(ଆଫଗାନିସ୍ତାନ) : ଗତ ଶନିବାରର ପ୍ରଳୟଙ୍କରୀ ଭୂକମ୍ପରେ ମୃତ୍ୟୁସଂଖ୍ୟା ୪ ହଜାର ଟପିଯାଇଛି। ଭୂକମ୍ପରେ ପ୍ରାୟ ୨ ହଜାର ଘର ସମ୍ପୂର୍ଣ୍ଣ ମାଟିରେ ମିଶିଯାଇଥିବା ବେଳେ ପ୍ରାୟ ୨୦ ଗ୍ରାମରେ ୧୯୮୦ରୁ ୨ ହଜାର ଘର ମାଟିରେ ମିଶିଯାଇଛି। ଆଫଗାନିସ୍ତାନର କାମଚଳା ପ୍ରଧାନମନ୍ତ୍ରୀ ମହମ୍ମଦ ହାସନ ଅଖୁନ୍ଦ ସୋମବାର ଦିନ ବିଭିନ୍ନ ଅଧିକାରୀଙ୍କ ସହ ହେରତ ପ୍ରଦେଶର ପ୍ରଭାବିତ ଅଞ୍ଚଳ ଗସ୍ତ କରିଛନ୍ତି।
ସୂଚନାନୁଯାୟୀ , ଲଗାତାର ଭାବେ ଭୂକମ୍ପରେ ମୃତ୍ୟୁସଂଖ୍ୟା ୪ ହଜାର ଟପିଛି ଏବଂ ଲଗାତାର ବଢ଼ୁଛି। ଶନିବାର ଆଫଗାନିସ୍ତାନର ହେରତ ପ୍ରଦେଶ ଏବଂ ପଡ଼ୋଶୀ ଅଞ୍ଚଳରେ ୬.୨ ତୀବ୍ରତାର ୨ଟି ଶକ୍ତିଶାଳୀ ଭୂକମ୍ପ ହୋଇଥିଲା। ୧ ହଜାରରୁ ଅଧିକ ଉଦ୍ଧାରକାରୀ ସଦସ୍ୟ ପ୍ରଭାବିତ ଅଞ୍ଚଳରେ ଉଦ୍ଧାର କାର୍ଯ୍ୟରେ ନିୟୋଜିତ ହୋଇଛନ୍ତି।
