(ଦିଲ୍ଲୀ) : ଚିନ୍ତାରେ ଦିଲ୍ଲୀବାସୀ । ପୁଣି ବିପଦ ସଙ୍କେତ ଅତିକ୍ରମ କଲା ଯମୁନା ଜଳସ୍ତର । ହରିୟାଣା ହାତନିଖୁଣ୍ତ ବ୍ୟାରେଜରୁ ବନ୍ୟା ଜଳ ଛଡା ଯିବା ପରେ ଯମୁନା ଫୁଲିବା ଆରମ୍ଭ ହୋଇଛି । ଆଜି ସକାଳ ୭ଟା ସୁଦ୍ଧା ଯମୁନା ନଦୀର ଜଳସ୍ତର ୨୦୬.୨୬ ମିଟର ରେକର୍ଡ କରାଯାଇଛି । ଏହା ବିପଦ ସଙ୍କେତଠାରୁ ଅଧିକରେ ପ୍ରବାହିତ ହେଉଛି ।
ସୂଚନା ଅନୁସାରେ, ହରିୟାଣା ବ୍ୟାରେଜରୁ ୨ ଲକ୍ଷ କ୍ୟୁସେକ ଜଳ ଛଡ଼ା ଯିବାରୁ ଦିଲ୍ଲୀ ପ୍ରତି ବନ୍ୟା ବିପଦ ବଢିଯାଇଛି । ସେପଟେ ବନ୍ୟା ସ୍ଥିତିକୁ ଦୃଷ୍ଟିରେ ରଖି ତଳିଆ ଅଞ୍ଚଳର ଲୋକଙ୍କୁ ସୁରକ୍ଷିତ ସ୍ଥାନକୁ ସ୍ଥାନାନ୍ତର କରାଯାଇଛି । ଯମୁନା ନଦୀର ଜଳସ୍ତର ବିପଦ ସଙ୍କେତ ଅତିକ୍ରମ କରିବା ଫଳରେ ଦିଲ୍ଲୀର ଅଧିକାଶଂ ଅଞ୍ଚଳ ଜଳମଗ୍ନ ହୋଇଥିଲା । ଲାଲକିଲା, ରାଜଘାଟ, ଏପରିକି ସୁପ୍ରିମକୋର୍ଟ ଗେଟ୍ ଛୁଇଁଥିଲା ଯମୁନା ପାଣି । ଅନ୍ୟପଟେ ପୁଣି ଦିଲ୍ଲୀରେ ଲଗାଣ ବର୍ଷା ଆରମ୍ଭ ହୋଇଯାଇଛି ।
