କେନ୍ଦ୍ର ଗୃହମନ୍ତ୍ରୀ ଅମିତ ଶାହଙ୍କ ଆସନ୍ତା ୪ ତାରିଖରେ ହେବାକୁ ଥିବା ଓଡ଼ିଶା ଗସ୍ତ ବାତିଲ ହୋଇଛି। ଏନେଇ ବିଜେପି ନେତା ପ୍ରଦୀପ ପୁରୋହିତ ସୂଚନା ଦେଇଛନ୍ତି। ଅମିତ ଶାହ ତାଙ୍କ ଗସ୍ତ ସମୟରେ ଇଥାନଲ ପ୍ରକଳ୍ପ ସମେତ ଅନ୍ୟ କିଛି ପ୍ରକଳ୍ପର ଲୋକାର୍ପଣ କରିବାର କାର୍ଯ୍ୟକ୍ରମ ରହିଥିଲା। ତେବେ କେନ୍ଦ୍ରରେ ଗୁରୁତ୍ୱପୂର୍ଣ୍ଣ ବ୍ୟସ୍ତତା ଯୋଗୁଁ ଏହି ଗସ୍ତ ବାତିଲ ହୋଇଥିବା ସୂଚନା ମିଳିଛି।
ପ୍ରଦୀପ ପୁରୋହିତ କହିଛନ୍ତି, ଅମିତ ଶାହ ପରବର୍ତ୍ତୀ ସମୟରେ ଓଡ଼ିଶା ଆସି ସେହି ସମସ୍ତ ପ୍ରକଳ୍ପର ଲୋକାର୍ପଣ କରିବେ। ତେବେ ତାଙ୍କ ପରବର୍ତ୍ତୀ ଗସ୍ତର ତାରିଖ ଏପର୍ଯ୍ୟନ୍ତ ସ୍ଥିର ହୋଇନାହିଁ।
