ଆଣ୍ଟି ରେଡିଏସନ କ୍ଷେପଣାସ୍ତ୍ର ପରୀକ୍ଷଣ ସଫଳ

ନୂଆଦିଲ୍ଲୀ: ଏଲଏସିରେ ଚୀନ ଓ ଏଲଓସିରେ ପାକିସ୍ତାନ ସହ ତିକ୍ତତାକୁ ଦୃଷ୍ଟିରେ ରଖି ଭାରତ ନିଜ ସୁରକ୍ଷାକୁ ସୁଦୃଢ କରିବାରେ ଲାଗିଛି । ଗତକାଲି ଭାରତ ଆଉ ଏକ କ୍ଷେପଣାସ୍ତ୍ର ପରୀକ୍ଷଣ କରିଛି। ପ୍ରତିରକ୍ଷା ଅନୁସନ୍ଧାନ ଏବଂ ବିକାଶ ସଂଗଠନ (ଡିଆରଡିଓ) ଆଣ୍ଟି-ରେଡିଏସନ୍ କ୍ଷେପଣାସ୍ତ୍ରକୁ ବିକଶିତ କରିଛି । ଏହି କ୍ଷେପଣାସ୍ତ୍ରକୁ ସଫଳତାର ସହ ପରୀକ୍ଷା କରାଯାଇଛି। ୩ ଅକ୍ଟୋବରରେ ଶୌର୍ୟ୍ୟ କ୍ଷେପଣାସ୍ତ୍ର ପରୀକ୍ଷଣ ପରେ ଏହା ଏକ ବଡ଼ ସଫଳତା । ସେପ୍ଟେମ୍ବର ୭ ରେ, ଭାରତ ହାଇପରସୋନିକ୍ ଟେକ୍ନୋଲୋଜି ପ୍ରଦର୍ଶନକାରୀ ଯାନ (ଏଚଏସଟିଡିଭି) ପରୀକ୍ଷା କରିଥିଲା । ଏହା ଶବ୍ଦର ଧ୍ୱନୀଠାରୁ ପାଞ୍ଚ ଗୁଣ ଅଧିକ ବେଗରେ ଗତି କରିପାରେ । ୩୦ସେପ୍ଟେମ୍ବରରେ ବ୍ରହ୍ମୋସ୍ ସୁପରସୋନିକ୍ କ୍ଷେପଣାସ୍ତ୍ରର କ୍ରୁଜ୍ ସଂସ୍କରଣ ପରୀକ୍ଷା କରାଯାଇଥିଲା, ଯାହାର ପରିସର ୪୦୦ କିଲୋମିଟରକୁ ବୃଦ୍ଧି କରାଯାଇଛି ।