ଜଣେ ଯାତ୍ରୀଙ୍କୁ ବସରୁ ବାହାରକୁ ଠେଲିଦେଲେ ବସ କର୍ମଚାରୀ

ଭୁବନେଶ୍ୱର: ମୋ ବସ କର୍ମଚାରୀଙ୍କ ଦାଦାଗିରି । ମୋ ବସ କର୍ମଚାରୀ ବସରୁ ଜଣେ ଯାତ୍ରୀଙ୍କୁ ବାହାରକୁ ଠେଲିଦେବାରୁ ଯାତ୍ରୀ ଆହତ, ତାଙ୍କ ଗୋଡ ଭାଙ୍ଗିଯାଇଛି । ଏନେଇ ଥାନାରେ ଅଭିଯୋଗ ହୋଇଛି ଓ ଏହାର ତଦନ୍ତ ଚାଲିଛି ବୋଲି ମୋ ବସ କର୍ତ୍ତୃପକ୍ଷ କ୍ରୁଟ ପକ୍ଷରୁ ସୂଚନା ଦିଆଯାଇଛି ।
ଜଣେ ବ୍ୟକ୍ତି ମୋ ବସରେ ଶ୍ରୀୟା ଛକରୁ ହଂସପାଳ ଯାତ୍ରା କରୁଥିଲେ । ବସର କଣ୍ଡକ୍ଟର ତାଙ୍କର ଗନ୍ତବ୍ୟସ୍ଥଳ ମାଷ୍ଟର କ୍ୟାଣ୍ଟିନରୁ ହଂସପାଳ ଟିକେଟ କାଟିଥିଲେ । ଯାତ୍ରୀ ବସରୁ ଓହ୍ଲାଇବା ସମୟରେ ଅଧିକ ଭଡାକୁ ନେଇ ହଂସପାଳ ନିକଟରେ ଉଭୟଙ୍କ ମଧ୍ୟରେ ବଚସା ହୋଇଥିଲା । ଏହାକୁ ନେଇ କଣ୍ଡକ୍ଟର ଯାତ୍ରୀଙ୍କୁ ତଳକୁ ପେଲିଦେଇଥିଲେ । ଯାତ୍ରୀ ତଳେ ପଡିଯାଇଥିଲେ । ଏଥିରେ ତାଙ୍କ ଗୋଡ ଭାଙ୍ଗିଯାଇଛି । ବସ କର୍ମଚାରୀଙ୍କ ଏପରି ବ୍ୟବହାରକୁ ନେଇ ପୁଲିସରେ ଯାତ୍ରୀ ଅଭିଯୋଗ କରିଛନ୍ତି । ଅନ୍ୟପଟେ ମୋସ ବସ ପରିଚାଳନା ଦାୟିତ୍ୱରେ ଥିବା କ୍ରୁଟ ପକ୍ଷରୁ ଏକ ପ୍ରେସ ରିଲିଜ ଜାରି କରି କୁହାଯାଇଛି କି ଘଟଣାର ତଦନ୍ତ ଚାଲିଛି ଓ ଉକ୍ତ କର୍ମଚାରୀଙ୍କୁ ତଦନ୍ତ ଶେଷ ହେବା ପର୍ଯ୍ୟନ୍ତ ଚାକିରିରୁ ବାହାର କରି ଦିଆଯାଇଛି ।