ଅନୁଗୁଳ କରୋନା ସଂକ୍ରମିତଙ୍କ ତାଲିକା ଭାଇରାଲ: ଥାନାରେ ମାମଲା

ଅନୁଗୁଳ: ଗତକାଲି ପ୍ରଥମ ଥର ପାଇଁ ଅନୁଗୁଳ ଜିଲ୍ଲାରେ ୧୩ ଜଣ କରୋନା ଆକ୍ରାନ୍ତ ଚିହ୍ନଟ ହୋଇଥିଲେ । କିନ୍ତୁ ଚିହ୍ନଟ ଆକ୍ରାନ୍ତଙ୍କୁ ନେଇ ଭାଇରାଲ ହୋଇଥିବା ଖବର ବିରୋଧରେ ଥାନାରେ ଏକ ମାମଲା ରୁଜୁ ହେ।।ଇଛି । ଏହି ଘଟଣାରେ ପୁଲିସ ତଦନ୍ତ ଜାରି ରଖିଛି ।
ଗତକାଲି ୧୩ ଜଣ ଅନୁଗୁଳ ଜିଲ୍ଲାରୁ ଚିହ୍ନଟ ହୋଇଥିବା ଜଣାପଡିଥିଲା । ଏହାପରେ ମଧ୍ୟାହ୍ନରେ ୧୩ ଜଣ ବ୍ୟକ୍ତିଙ୍କ ନାମ ରହିଥିବା ଏକ ତାଲିକା ଭାଇରାଲ ହୋଇଥିଲା । କରୋନା ଆକ୍ରାନ୍ତ(କୋଭିଡ-୧୯ ରୋଗୀ)ଙ୍କ ତାଲିକା ବୋଲି ଉଲ୍ଳେଖ କରାଯାଇ ଏଥି‌ରେ ୧୩ ଜଣ ବ୍ୟକ୍ତିଙ୍କ ନାମ ଓ ସେମାନଙ୍କ ଠିକଣା ଦିଆଯାଇଥିଲା । ଯାହା ସାରା ରାଜ୍ୟରେ ଭାଇରାଲ ହେବାରେ ଲାଗିଥିଲା । ଏହି ତାଲିକା ଭାଇରାଲ ହେବାରେ ଲାଗିଥିଲା।
ଅନୁଗୁଳ ଉପଜିଲ୍ଲାପାଳ ବାସୁଦେବ ଶତପଥୀ ଅନୁଗୁଳ ଥାନାରେ ଏ ସଂକ୍ରାନ୍ତରେ ଏକ ଏତଲା ଦେଇଥିଲେ। ଅପରପକ୍ଷରେ ତାଲିକା ଭାଇରାଲର ଚେର ଜିଲ୍ଲାପାଳ କାର୍ୟ୍ୟାଳୟ ପର୍ୟ୍ୟନ୍ତ ଲମ୍ବି ଥାଇପାରେ ବୋଲି ପୁଲିସ ସନ୍ଦେହ କରୁଛି। ଏନେଇ ପୁଲିସ ତଦନ୍ତ ଜାରି ରଖିଛି।