(ଭଦ୍ରକ) : ଗୋଟିଏ ପଟେ ତାତି ଅସମ୍ଭାଳ ହୋଇପଡୁଥିବା ବେଳେ ଅଦିନିଆ କାଳବୈଶାଖୀ ତାଣ୍ଡବ ଦେଖିବାକୁ ମିଳିଛି । ଆନନ୍ଦପୁର ବ୍ଲକ୍ କୋଳିମାଟି ପଞ୍ଚାୟତ କୁମୁଡ ଗାଁ ରେ ପ୍ରବଳ ବେଗରେ ପବନ ହେବା ସହ ବର୍ଷା ଓ ବଜ୍ରପାତ ହୋଇଛି। ଏଥିରେ ବହୁ ଘର ଓ ଗଛ ଭାଙ୍ଗି ଯାଇଛି। ଫଳରେ ଗମନାଗମନର ବାଧାପ୍ରାପ୍ତ ହୋଇଛି ।
ପବନରେ ବିଦ୍ୟୁତ ତାର ଛିଣ୍ଡି ଯିବାରୁ ବିଦ୍ୟୁତ ସରବରାହ ବ୍ୟାହତ ହୋଇଛି। କିଛି କ୍ଷଣପରେ ପବନର ବେଗ ବୃଦ୍ଧି ଘଟିଥିଲା। ଗାଁ ରେ ପବନ ତାଣ୍ଡବ ରଚିଥିଲା । କ୍ଷଣିକ ମଧ୍ୟରେ ଘରଗୁଡିକର ଛପର ଓ ଆଜବେଷ୍ଟସ ଉଡାଇ ନେଇଥିଲା।
ଆନନ୍ଦପୁର ବ୍ଲକ୍ କୋଳିମାଟି ପଞ୍ଚାୟତ କୁମୁଡ ଗାଁ ରେ ମଙ୍ଗଳବାର ସନ୍ଧ୍ୟାରେ ପ୍ରଥମେ ହାଲୁକା ପବନ ସହ ସାମାନ୍ୟ ବର୍ଷା ଅନୁଭୁତ ହୋଇଥିଲା । ଏହାର ପ୍ରଭାବରେ ଗାଁରେ ଥିବା ଆଜବେଷ୍ଟ ଓ ଚାଳ ଛପର ଘରକୁ ମିଶାଇ ୨୦ ରୁ ଊର୍ଦ୍ଧ୍ବ ଘରର ଛପର ସମ୍ପୂର୍ଣ୍ଣ ଉଡିଯାଇଛି। ଏପରିକି ବହୁ ବଡ ବଡ ଗଛ ଭାଙ୍ଗି ରାସ୍ତା ଅବରୋଧ ହୋଇଛି।
