(ଭୁବନେଶ୍ୱର) : ଝାରସୁଗୁଡାରୁ ବେଙ୍ଗାଲୁରୁକୁ ଉଡିଲା ବିମାନ । ଆଜିଠାରୁ ଆରମ୍ଭ ହୋଇଛି ସିଧାସଳଖ ବିମାନ ଚଳାଚଳ । ଇଣ୍ଡିଗୋ ବିମାନ ଝାରସୁଗୁହା ବିମାନବନ୍ଦରରୁ ବେଙ୍ଗାଲୁର ଅଭିମୁଖେ ସିଧାସଳଖ ଯାତ୍ରା କରିଛି । ଝାରସୁଗୁଡାରୁ ବେଙ୍ଗାଲୁରୁକୁ ମାତ୍ର ୨ଘଣ୍ଟା ୫ ମିନିଟରେ ଅତିକ୍ରମ କରିବ ବିମାନ ।
ସୂଚନାନୁଯାୟୀ , ଇଣ୍ଡିଗୋ ବିମାନ ବୁଧବାର ଭୀର ସୁରେନ୍ଦ୍ର ସାଏ ବିମାନ ବନ୍ଦରରୁ ଆଜି ୧୨.୫୦ରେ ଉଡାଣ ଆରମ୍ଭ କରି ଅପରାହ୍ନ ୨.୫୫ରେ ବେଙ୍ଗାଲୁରରେ ପହଞ୍ଚିଛି । ସେହିପରି ବେଙ୍ଗାଲୁରରୁ ସିଧାସଳଖ ବିମାନ ୧୦.୧୫ରୁ ବାହାରି ଝାରସୁଗୁଡାରେ ୧୨.୨୦ରେ ପହଞ୍ଚିବ । ଗତ ୫ତାରିଖରେ ଝାରସୁଗୁଡା ବିମାନବନ୍ଦରରୁ ସିଧାସଳଖ କୋଲକାତା ବିମାନ ଉଡାଣ ଆରମ୍ଭ କରିଥିଲା । ଏହି ବିମାନ ଚଳାଚଳ ଇଣ୍ଡରଷ୍ଟେଟ ସହ ଯୋଗାଯୋଗ କରିବ । ଝାରସୁଗୁଡା ଏକ ଶିଳ୍ପ ଏବଂ ବ୍ୟାବସାୟିକ ସହର ହୋଇଥିବାରୁ ଯାତ୍ରୀମାନଙ୍କ ସୁବିଧାକୁ ଦୃଷ୍ଟିରେ ରଖି ଏହା କରାଯାଇଛି ।
