(ଭୁବନେଶ୍ୱର) : ପରୀକ୍ଷାରେ ଅନିୟମିତତା ଓ ମାର୍କରେ ସଂଶୋଧନ ଦାବି । ବୋର୍ଡ ଅଫିସ୍ ସମ୍ମୁଖରେ ପରୀକ୍ଷାର୍ଥୀଙ୍କ ବିକ୍ଷୋପ । ଓଟିଇଟି ଫଳ ପ୍ରକାଶ ପାଇବା ପରେ ଆରମ୍ଭ ହୋଇଯାଇଛି ବିବାଦ । ପରୀକ୍ଷାର୍ଥୀମାନେ ବୋର୍ଡ କାର୍ଯ୍ୟାଳୟ ଘେରାଓ କରିବା ସହ ମାର୍କର ଉପଯୁକ୍ତ ସଂଶୋଧନ ଏବଂ ୧୦ଟି ଗ୍ରେସ୍ ମାର୍କ ପ୍ରଦାନ ପାଇଁ ଦାବି ରଖିଛନ୍ତି । ସେହିପରି ପ୍ରଶ୍ନପତ୍ର ପ୍ରକାଶ ଫଳ ପ୍ରକାଶରେ ମଧ୍ୟ ତ୍ରୁଟି ହୋଇଥିବା ନେଇ ସେମାନେ ଅଭିଯୋଗ କରିଛନ୍ତି ।
ସୂଚନାନୁଯାୟୀ , ପରୀକ୍ଷାର୍ଥୀ ମାନେ କହିଛନ୍ତି, ୫୦୦ ଟଙ୍କା ଦେଇ ଉତ୍ତରକୁ ଚ୍ୟାଲେଞ୍ଜ କରିଥିଲୁ ହେଲେ ଆମ ମାର୍କରେ କୌଣସି ସଂଶୋଧନ କରାଯାଇନାହିଁ । ସେପଟେ ଅର୍ଥ ହେରଫେର ଅଭିଯୋଗକୁ ଖଣ୍ତନ କରିଛି ପ୍ରଶାସନ । ବୋର୍ଡ ଉପସଭାପତି ନିହାର ରଞ୍ଜନ ମହାନ୍ତି କହିଛନ୍ତି, କିଛି ପରୀକ୍ଷାର୍ଥୀ ୨ କିମ୍ବା ୩ ମାର୍କ ପାଇଁ କ୍ୱାଲିଫାଏ ହୋଇପାରି ନାହାଁନ୍ତି । ସେଥିପାଇଁ ସେମାନେ ଚାହୁଁଛନ୍ତି ଯେ, ତାଙ୍କୁ ସେହି ମାର୍କ ଦିଆଯାଉ ହେଲେ ସେପରି ବ୍ୟବସ୍ଥା ଆମ ପାଖରେ ନାହିଁ । ସମସ୍ତଙ୍କୁ ଠିକ୍ ମାର୍କ ଦିଆଯାଇଛି । କୌଣସି ତ୍ରୁଟି ନାହିଁ ।
