(ଭୁବନେଶ୍ୱର) : ନୂଆବର୍ଷ ପାଇଁ ଧିରେ ଧିରେ ବିଭିନ୍ନ ସ୍ଥାନରେ ପର୍ଯ୍ୟଟକଙ୍କ ଭିଡ଼ ମଧ୍ୟ ବଢିବାରେ ଲାଗିଛି । ଏପରି ସ୍ଥିତିରେ ନନ୍ଦନକାନନରେ ମଧ୍ୟ ପର୍ଯ୍ୟଟଙ୍କ ଗହଳି ଆରମ୍ଭ ହୋଇ ଗଲାଣି । ଯାହାକୁ ଦୃଷ୍ଟିରେ ରଖି ନନ୍ଦନକାନନ କର୍ତ୍ତୁପକ୍ଷଙ୍କ ପକ୍ଷରୁ ବ୍ୟାପକ ପ୍ରସ୍ତୁତି ଆରମ୍ଭ ହୋଇଯାଇଛି । ତେବେ ସାଧାରଣତଃ ସୋମବାର ଦିନ ନନ୍ଦନକାନନର ପ୍ରାଣୀ ଏବଂ ଉତ୍ତିଦ ଉଦ୍ୟାନ ବନ୍ଦ ରହିଥାଏ ଏବଂ ଏଥର ୨୫ ଡିସେମ୍ବର ଏବଂ ଜାନୁଆରୀ ୧ ସୋମବାର ପଡୁଥିବାରୁ ଉକ୍ତ ଦିନ ନନ୍ଦନକାନନ ଖୋଲା ରହିବା ନେଇ ନିଷ୍ପତ୍ତି ନିଆଯାଇଛି ।
ସୂଚନାନୁଯାୟୀ ,ପର୍ଯ୍ୟଟକଙ୍କ ଭିଡ଼କୁ ନଜରରେ ରଖି ଏପରି ନିଷ୍ପତ୍ତି ନିଆଯାଇଥିୂବା ନେଇ ସୂଚନା ରହିଛି । ସେହିପରି ଲୋକେ ଅନଲାଇନ୍ ଟିକେଟ୍ ବୁକ୍ କରିପାରିବେ ଏବଂ ଏକ ଅସ୍ଥାୟୀ ଟିକେଟ୍ କାଉଣ୍ଟର ମଧ୍ୟ ଖୋଲାଯିବାର ନିଷ୍ପତ୍ତି ନିଆଯାଇଛି । ଅନ୍ୟପଟେ ସୁରକ୍ଷା ବ୍ୟବସ୍ଥା ମଧ୍ୟ କଡ଼ାକଡି କରାଯାଇଛି । ପର୍ଯ୍ୟଟକ କାଞ୍ଜିଆହ୍ରଦ ସମେତ ଉଦ୍ଭିଦ ଉଦ୍ୟାନ ଓ ନନ୍ଦନକାନନକ ସବୁଜ ମନୋରମ ଦୃଶ୍ୟର ଏଞ୍ଜୟ କରିପାରିବେ ।
