ରେଳବାଇ ଟ୍ରେନ୍ ଟିକେଟ୍ ପାଇଁ ରିଫଣ୍ଡ ନିୟମରେ ପରିବର୍ତ୍ତନ…

ରେଳବାଇ ଟ୍ରେନ୍ ଟିକେଟ୍ ପାଇଁ ରିଫଣ୍ଡ ନିୟମରେ ପରିବର୍ତ୍ତନ ଘୋଷଣା କରିଛି। ନୂତନ ନିୟମ ଅନୁଯାୟୀ, ଯଦି କୌଣସି ଯାତ୍ରୀ ଟ୍ରେନ୍ ଛାଡ଼ିବାର ୨୪ ରୁ ୭୨ ଘଣ୍ଟା ପୂର୍ବରୁ ତାଙ୍କ ଟିକେଟ୍ ବାତିଲ କରନ୍ତି, ତେବେ ତାଙ୍କ ଭଡ଼ାର ୨୫% କାଟି ନିଆଯିବ। ଏହା ବ୍ୟତୀତ, ଯଦି ଟ୍ରେନ୍ ଛାଡ଼ିବାର ୮ ଘଣ୍ଟା ମଧ୍ୟରେ ଟିକେଟ୍ ବାତିଲ କରାଯାଏ, ତେବେ କୌଣସି ଟଙ୍କା ଫେରସ୍ତ କରାଯିବ ନାହିଁ।
ସୂଚନା ଅନୁଯାୟୀ, ଯଦି ଜଣେ ଯାତ୍ରୀ ଟ୍ରେନ୍ ଛାଡ଼ିବାର ୨୪ ଘଣ୍ଟାରୁ ୭୨ ଘଣ୍ଟା ପୂର୍ବରୁ ଟିକେଟ୍ ବାତିଲ କରନ୍ତି, ତେବେ ତାଙ୍କ ଭଡ଼ାର ୨୫% କଟାଯିବ। ପୂର୍ବରୁ, ୨୪ ରୁ ୪୮ ଘଣ୍ଟା ମଧ୍ୟରେ ବାତିଲ୍ ପାଇଁ ୨୫% ଶୁଳ୍କ ଦେବାକୁ ପଡୁଥିଲା। ଏହା ବ୍ୟତୀତ, ଯଦି ଜଣେ ଯାତ୍ରୀ ଟ୍ରେନ୍ ଛାଡ଼ିବାର ୮ ଘଣ୍ଟା ପୂର୍ବରୁ ତାଙ୍କ ଟିକେଟ୍ ବାତିଲ କରନ୍ତି, ତେବେ ସେମାନଙ୍କୁ କୌଣସି ଟଙ୍କା ଫେରସ୍ତ ମିଳିବ ନାହିଁ। ଯଦି ଆପଣ ଟ୍ରେନ ଛାଡିବାର ୮ ରୁ ୨୪ ଘଣ୍ଟା ପୂର୍ବରୁ ଆପଣଙ୍କ ଟିକେଟ୍ ବାତିଲ କରନ୍ତି, ତେବେ ଭଡାର ୫୦% କଟାଯିବ। ପୂର୍ବରୁ, ଟ୍ରେନ ଛାଡିବାର ୪ ରୁ ୨୪ ଘଣ୍ଟା ପୂର୍ବରୁ ଯଦି ଆପଣ ଆପଣଙ୍କ ଟିକେଟ୍ ବାତିଲ କରନ୍ତି ତେବେ ଏହି ପରିମାଣ କଟାଯାଉଥିଲା।
ଯଦି ଆପଣ ଟ୍ରେନ ଛାଡିବାର ୭୨ ଘଣ୍ଟା ମଧ୍ୟରେ ଆପଣଙ୍କ ଟିକେଟ୍ ବାତିଲ କରନ୍ତି, ତେବେ ପ୍ରଥମ ଏସିର ପ୍ରତି ଯାତ୍ରୀଙ୍କ ପାଇଁ ₹୨୪୦ ଶୁଳ୍କ କଟାଯିବ। ଦ୍ୱିତୀୟ ଏସିର ପ୍ରତି ଯାତ୍ରୀଙ୍କ ପାଇଁ ₹୨୦୦, ତୃତୀୟ ଏସି ଏବଂ ଚେୟାର କାର୍ ପାଇଁ ₹୧୮୦ ଶୁଳ୍କ କଟାଯିବ। ସ୍ଲିପର କ୍ଲାସର ପ୍ରତି ଯାତ୍ରୀଙ୍କ ପାଇଁ ₹୧୨୦, ସଂରକ୍ଷିତ ଦ୍ୱିତୀୟ ଶ୍ରେଣୀ ଟିକେଟ ପାଇଁ ₹୬୦ ଶୁଳ୍କ କଟାଯିବ। ଗତ ବର୍ଷ ରେଳବାଇ ମଧ୍ୟ ଏହାର ଟ୍ରେନ୍ ସିଟ୍ ବୁକିଂ ସିଷ୍ଟମରେ ଅନେକ ପରିବର୍ତ୍ତନ କରିଥିଲା। ଉଦାହରଣ ସ୍ୱରୂପ, ୧ ଅକ୍ଟୋବର, ୨୦୨୫ ଠାରୁ, ପ୍ରଥମ ୧୫-ମିନିଟ୍ ବୁକିଂ ୱିଣ୍ଡୋ ମଧ୍ୟରେ ଓଜଉଞଉ ୱେବସାଇଟ୍ କିମ୍ବା ମୋବାଇଲ୍ ଆପ୍ଲିକେସନ୍ ମାଧ୍ୟମରେ ସାଧାରଣ-କୋଟା ଟିକେଟ୍ ବୁକ୍ କରୁଥିବା ଯାତ୍ରୀମାନଙ୍କ ପାଇଁ ଆଧାର ପ୍ରମାଣୀକରଣ ବାଧ୍ୟତାମୂଳକ ହେବ। ଏହି ପଦକ୍ଷେପର ଲକ୍ଷ୍ୟ ହେଉଛି ଯେ କେବଳ ପ୍ରକୃତ ଉପଭୋକ୍ତାମାନେ ସଂରକ୍ଷଣ ସିଷ୍ଟମରୁ ଉପକୃତ ହୁଅନ୍ତୁ।