(ଦିଲ୍ଲୀ) : ଭାରତର ଗୋଲଡେନ ବୟ ଭାବେ ପରିଚିତ ନୀରଜ ଚୋପ୍ରା ବ୍ୟବସାୟ ଜଗତରେ ପାଦ ଥାପିଛନ୍ତି । ଜାଭେଲିନ୍ ଥ୍ରୋ ସୁପରଷ୍ଟାର ନୀରଜ ଚୋପ୍ରା ଏକ ଓଟିଟି ଷ୍ଟାର୍ଟଅପରେ ନିବେଶ କରି ନିଜର ବ୍ୟବସାୟ ଯାତ୍ରା ଆରମ୍ଭ କରିଛନ୍ତି । ସେ ଆଞ୍ଚଳିକ ଓଟିଟି ପ୍ଲାଟଫର୍ମ ‘ଷ୍ଟେଜ୍’ ରେ ଟଙ୍କା ବିନିଯୋଗ କରିଛନ୍ତି ।
ସୂଚନାନୁଯାୟୀ , ଏହି ଆପ୍ ବେଶ୍ ଲୋକପ୍ରିୟ ହୋଇଥିବାବେଳେ ଏଥିରେ ହିନ୍ଦୀ ଏବଂ ସ୍ଥାନୀୟ ଭାଷାରେ କଣ୍ଟେଣ୍ଟ ଉପଲବ୍ଧ ରହିଛି । ୬୦ ଲକ୍ଷରୁ ଅଧିକ ଦର୍ଶକ ଇନଷ୍ଟଲ କରିଥିବାବେଳେ ପ୍ରାୟ ୫.୫ ଲକ୍ଷ ଲୋକ ସବସକ୍ରାଇବର ଅଛନ୍ତି। ଏହି ଓଟିଟି ଆପ୍ ସ୍ଥାନୀୟ ଭାଷାରେ କଣ୍ଟେଣ୍ଟ ପାଇଁ ବେଶ ଜଣାଶୁଣା । ନିବେଶ ନେଇ ନୀରଜ ଚୋପ୍ରା କହିଛନ୍ତି ଯେ ଆମେ ଯେଉଁ ସ୍ଥାନରୁ ଆସୁଛୁ ସେହି ସ୍ଥାନର ସଂସ୍କୃତି, ଭାଷା ଏବଂ ଉପଭାଷାକୁ ପ୍ରୋତ୍ସାହିତ କରିବା ଅତ୍ୟନ୍ତ ଗୁରୁତ୍ୱପୂର୍ଣ୍ଣ। ଏହା ମୋର ପରିଚୟ ଏବଂ ମୁଁ ଏଥିପାଇଁ ଗର୍ବିତ।
