ଭୁବନେଶ୍ୱର: ଇନସ୍ପେକ୍ଟରଙ୍କୁ ପୁନଃ ତାଲିମ ପାଇଁ ପଠାଇବା ସହ କୌଣସି ଥାନାକୁ ପୋଷ୍ଟିଂ ନ ଦେବାକୁ ଓ ଫିଲ୍ଡକୁ ନ ପଠାଇବାକୁ ନିର୍ଦ୍ଦେଶ ଦେଇଛନ୍ତି ରାଜ୍ୟ ମାନବାଧିକାର କମିଶନ । ଅଭିଯୁକ୍ତଙ୍କ ପ୍ରତି କିପରି ବ୍ୟବହାର କରିବାକୁ ହୁଏ ତାହା ତାଙ୍କୁ ତାଲିମ ଦେବାକୁ ମଧ୍ୟ କମିଶନ କହିଛନ୍ତି । କେନ୍ଦୁଝର ଜିଲ୍ଲା ପାଟଣା ଥାନା ପୂର୍ବତନ ଆଇଆଇସି ସଂଧ୍ୟାରାଣୀ ଜେନାଙ୍କ ପାଇଁ ରାଜ୍ୟ ସରକାରଙ୍କୁ ଏପରି ନିର୍ଦ୍ଦେଶ ଦିଆଯାଇଛି ।
ସଂଧ୍ୟାରାଣୀ ଗତ ମେ ମାସରେ ଥାନାରେ ଅଟକ ଜଣେ ଯୁବକଙ୍କୁ ମାଡ ମାରିବା ସହ ଚାପୁଡା ଗୋଇଠା ମାରିବାର ଭିଡିଓ ସେତେବେଳେ ଭାଇରାଲ ହୋଇଥିଲା ଓ ଏହାକୁ ନେଇ ରାଜ୍ୟରେ ପୁଲିସ ପ୍ରଶାସନକୁ ସମାଲୋଚନାର ଶିକାର ହେବାକୁ ପଡିଥିଲା । ଏହା ପରେ ଡିଜି ପୁଲିସ ତାଙ୍କୁ ଚାକିରିରୁ ନିଲମ୍ବନ କରିଥିଲେ । ଏହି ଘଟଣାରେ ପୂର୍ବରୁ ଓଏଚଆରସି ପୀଡ଼ିତଙ୍କୁ ୧୦ ହଜାର କ୍ଷତିପୂରଣ ଆଇଆଇସିଙ୍କ ଦରମାରୁ କାଟିବାକୁ ମଧ୍ୟ ନିର୍ଦ୍ଦେଶ ଦେଇଥିଲେ।
