(ଭୁବନେଶ୍ୱର) : ବୃଦ୍ଧି ହେଲା ଯୁକ୍ତ ଦୁଇ ସ୍ପଟ୍ ଆଡମିଶନ୍ ଅବଧି । ରାଜ୍ୟରେ ଖରାପ ପାଗକୁ ନଜରରେ ରଖି ଏଭଳି ନିଷ୍ପତ୍ତି ନେଇଛନ୍ତି ରାଜ୍ୟ ସରକାର । ବର୍ତ୍ତମାନ ସ୍ପଟ୍ ଆଡମିଶନ୍ କରିବାକୁ ଚାହୁଁଥିବା ଛାତ୍ରଛାତ୍ରୀ ଅଗଷ୍ଟ ୩ ଯାଏଁ ନାମ ଲେଖାଇପାରିବେ । ଏନେଇ ଉଚ୍ଚଶିକ୍ଷା ମାଧ୍ୟମିକ ପରିଷଦ ପକ୍ଷରୁ ସମସ୍ତ ଚିଠି କରାଯାଇଛି ।
ସୂଚନାନୁଯାୟୀ , ରାଜ୍ୟର ବିଭିନ୍ନ ଜିଲ୍ଲାରେ ପ୍ରବଳ ବର୍ଷା ଲାଗି ରହିଛି । ଖରାପ ପାଣିପାଗକୁ ଦୃଷ୍ଟିରେ ରଖି ଯୁକ୍ତ ଦୁଇ ସ୍ପଟ୍ ଆଡମିଶନ ସମୟ ଅଗଷ୍ଟ ୩ ତାରିଖ ରାତି ୯ ଟା ଯାଏ ବୃଦ୍ଧି କରାଯାଇଛି । ଜୁଲାଇ ୨୭ ତାରିଖରେ ଯୁକ୍ତ ୨ ସ୍ପଟ୍ ଆଡମିଶନ ଲାଗି ମେରିଟ୍ ଲିଷ୍ଟ ପ୍ରକାଶ ପାଇଥିଲା । ଆଜି ନାମଲେଖା ସରିଥାନ୍ତା । କିନ୍ତୁ ଖରାପ ପାଗକୁ ଦେଖି ଅଗଷ୍ଟ ୩ ଯାଏ ଏହାର ଅବଧି ବୃଦ୍ଧି କରାଯାଇଛି ।
