(ରାଉଲକେଲା) : ସବୁ କଳ୍ପନାଜଳ୍ପନାର ଘଟିଲା ଅନ୍ତ । ରାଉରକେଲାରୁ କୋଲକାତାକୁ ବିମାନ ଉଡ଼ାଣ ସେପ୍ଟେମ୍ବର ପହିଲାରୁ ଆରମ୍ଭ ହେବ ବୋଲି କେନ୍ଦ୍ର ବେସାମରିକ ବିମାନ ଚଳାଚଳ ବିଭାଗ ପକ୍ଷରୁ ସ୍ପଷ୍ଟ କରାଯାଇଛି। ଆଲିଆନ୍ସ ଏୟାର୍ ପକ୍ଷରୁ ରାଉରକେଲା-ଭୁବନେଶ୍ବର ମଧ୍ୟରେ ଚଳାଚଳ କରୁଥିବା ଏଟିଆର୍-୭୨କୁ ହିଁ କୋଲକାତା ପର୍ଯ୍ୟନ୍ତ ସଂପ୍ରସାରିତ କରାଯାଇଛି।
ସୂଚୀଅନୁଯାୟୀ , ସପ୍ତାହରେ ୪ ଦିନ ଏହା କୋଲକାତାରୁ ବାହାରି ରାଉରକେଲା ଦେଇ ଭୁବନେଶ୍ବର ଯିବ ଓ ପୁଣି ଭୁବନେଶ୍ବରରୁ ରାଉରକେଲା ଦେଇ କୋଲକାତା ଫେରିବ। ସେହିପରି ଆଉ ୩ ଦିନ ଏହା କୋଲକାତାରୁ ବାହାରି ଭୁବନେଶ୍ବର ଦେଇ ରାଉରକେଲା ଆସିବ ଓ ପୁଣି ଫେରନ୍ତା ପଥରେ ରାଉରକେଲାରୁ ବାହାରି ଭୁବନେଶ୍ବର ଦେଇ କୋଲକାତା ଯିବ। ଏହି ନୂଆ ସୂଚୀ ଯୋଗୁଁ ରାଉରକେଲା-ଭୁବନେଶ୍ବର ମଧ୍ୟରେ ପୂର୍ବରୁ ଚାଲୁଥିବା ବିମାନର ସମୟ ନିର୍ଘଣ୍ଟରେ ମଧ୍ୟ ପରିବର୍ତ୍ତନ ହୋଇଛି। ସେପ୍ଟେମ୍ବର ପହିଲାରୁ ଏହି ନୂଆ ପରିବର୍ତ୍ତିତ ପଥରେ ବିମାନ ଚଳାଚଳ ଆରମ୍ଭ ହେବ।
