(ପୁରୀ) : ବାଲୁକା କଳାରେ କଳାଶ୍ରୀମୁଖ ଶ୍ରୀକୃଷ୍ଣ । ପୁରୀ ବେଳାଭୂମିରେ ପବିତ୍ର ଜନ୍ମାଷ୍ଟମୀ ପାଇଁ ବାଲୁକାଶିଳ୍ପୀ ପଦ୍ମଶ୍ରୀ ସୁଦର୍ଶନ ଗଢିଲେ ବାଲୁକାକୃତି । ବାଲୁକାକଳାରେ ବ୍ରହ୍ମାଣ୍ଡର ଆକୃତି ମଧ୍ୟରେ ଏକ ଟୋକେଇରେ ବାଳୁତ କୃଷ୍ଣଙ୍କ ଶୟନ ମୁଦ୍ରାର ରଙ୍ଗୀନ ଚିତ୍ର ଆଙ୍କିଛନ୍ତି ସୁଦର୍ଶନ ପଟ୍ଟନାୟକ ।
ସୂଚନାନୁଯାୟୀ , ପ୍ରାୟ ୧୫ ଟନ ବାଲିରେ ୧୦ ଫୁଟ ଉଚ୍ଚ ଓ ୮ଫୁଟ ଲମ୍ବର ଏହି କଳାଟିକୁ ଗଢି ତୋଳିଛନ୍ତି ସୁଦର୍ଶନ । ଏହି କଳାକୃତି ଦେଖି ସମସ୍ତେ ଆତ୍ମ ବିଭୋର ହୋଇ ଯାଇଛନ୍ତି । ଶ୍ରୀମନ୍ଦିରରେ ସ୍ୱତନ୍ତ୍ର ନୀତିକାନ୍ତି ଅନୁଷ୍ଠିତ ହେଉଛି । ସନ୍ଧ୍ୟାଧୂପ ଶେଷ ହେବାପରେ ଶ୍ରୀକୃଷ୍ଣଙ୍କ ଜନ୍ମନୀତି ଅନୁଷ୍ଠିତ ହେବ। ଶ୍ରୀଜଗନ୍ନାଥ ସଂସ୍କୃତି ଅନୁଯାୟୀ, ମହାପ୍ରଭୁ ପରଂବ୍ରହ୍ମ ହୋଇଥିବାରୁ ଜନ୍ମାଷ୍ଟମୀ ପୂର୍ବଦିନ ସେ ହିଁ ଦେବକୀ ଭାବେ ଗର୍ଭକଷ୍ଟ ଭୋଗୁଥିବା ପରିକଳ୍ପନା କରାଯାଏ ।
