(ହରିୟାଣା): ଦେଶର ସବୁଠାରୁ ଧନୀ ମହିଳା ତଥା ହରିୟାଣାର ପୂର୍ବତନ ମନ୍ତ୍ରୀ ସାବିତ୍ରୀ ଜିନ୍ଦଲ କଂଗ୍ରେସ ଛାଡି ଆଜି ବିଜେପିରେ ହୋଇଛନ୍ତି ସାମିଲ । କିଛି ଦିନ ପୂର୍ବରୁ ତାଙ୍କ ପୁଅ ତଥା ଶିଳ୍ପପତି ନବୀନ ଜିନ୍ଦଲ କଂଗ୍ରେସ ଛାଡି ଭାରତୀୟ ଜନତା ପାର୍ଟିରେ ଯୋଗ ଦେଇଥିଲେ ।
ସୂଚନାନୁଯାୟୀ , ୮୪ ବର୍ଷୀୟ ସାବିତ୍ରୀ ଜିନ୍ଦଲ ସୋସିଆଲ ମିଡିଆ ପୋଷ୍ଟରେ କଂଗ୍ରେସ ଛାଡିବା ନେଇ ଜଣାଇଥିଲେ । ସାବିତ୍ରୀ ଜିନ୍ଦଲ ସୋସିଆଲ ମିଡିଆରେ ଏକ ପୋଷ୍ଟ ମାଧ୍ୟମରେ କଂଗ୍ରେସ ଛାଡିବାକୁ ନିଷ୍ପତ୍ତି ନେଇଛନ୍ତି । ସାବିତ୍ରୀ ଜିନ୍ଦଲ ତାଙ୍କ ର ସୋମିଆଲ ମିଡ଼ିଆରେ ଲେଖିଛନ୍ତି ହିସାରର ଲୋକମାନେ ମୋର ପରିବାର ଏବଂ ମୋ ପରିବାରର ପରାମର୍ଶ କ୍ରମେ ମୁଁ ଆଜି କଂଗ୍ରେସ ଦଳର ପ୍ରାଥମିକ ସଦସ୍ୟତାରୁ ଇସ୍ତଫା ଦେଉଛି । କଂଗ୍ରେସ ନେତୃତ୍ୱ ମୋତେ ସମର୍ଥନ କରିଥିବାରୁ ଏବଂ ମୋର ସମସ୍ତ ସହକର୍ମୀଙ୍କୁ ମୁଁ କୃତଜ୍ଞତା ଜଣାଉଛି, ଯେଉଁମାନେ ମୋତେ ସର୍ବଦା ସମର୍ଥନ ଏବଂ ସମ୍ମାନ ପ୍ରଦାନ କରିଥିଲେ ।
