(ଗୁଜୁରାଟ) : ଲୋକସଭା ନିର୍ବାଚନ ପୂର୍ବରୁ ଗୁଜୁରାଟ କଂଗ୍ରେସକୁ ବଡ ଝଟକା । କଂଗ୍ରେସର ବରିଷ୍ଠ ନେତା ପୋରବନ୍ଦର ବିଧାୟକ, ପୂର୍ବତନ ରାଜ୍ୟ ସଭାପତି ତଥା ବିଧାୟକ ଅର୍ଜୁନ ମୋଧୱାଡିଆ ଆଜି ବିଜେପିରେ ଯୋଗ ଦେଇଛନ୍ତି । ସେ କାଲି କଂଗ୍ରେସରୁ ଇସ୍ତଫା ଦେଇଥିଲେ । ସେ ଗାନ୍ଧିନଗରରେ ଆୟୋଜିତ ଏକ କାର୍ଯ୍ୟକ୍ରମରେ ଅଂଶଗ୍ରହଣ କରି ବିଜେପିରେ ଯୋଗ ଦେଇଛନ୍ତି ।
ସୂଚନାନୁଯାୟୀ , ଆଜି ଗାନ୍ଧିନଗରର ବିଜେପି କାର୍ଯ୍ୟାଳୟ ଆନୁଷ୍ଠାନିକ ଭାବେ ବିଜେପିରେ ଯୋଗ ଦେଇଛନ୍ତି । କଂଗ୍ରେସରୁ ଇସ୍ତଫା ଦେବା ପରେ ଅର୍ଜୁନ ମୋଡୱାଡିଆ କହିଛନ୍ତି ଯେ ଯେତେବେଳେ କୌଣସି ଦଳ ଜନସାଧାରଣଙ୍କ ସହ ସମ୍ପର୍କ ହରାଇବ, ସେତେବେଳେ ଏହା ଅଧିକ ଦିନ ବଞ୍ଚିପାରିବ ନାହିଁ। ଦେଶର ଲୋକମାନେ ଚାହୁଁଥିଲେ ଯେ ରାମ ମନ୍ଦିର ନିର୍ମାଣ କରାଯାଉ। କଂଗ୍ରେସ ମଧ୍ୟ ନିଷ୍ପତ୍ତି ନେଇଛି ଯେ ସାମ୍ବିଧାନିକ ନିଷ୍ପତ୍ତି ସୁପ୍ରିମକୋର୍ଟ ଆସିବା ପରେ ଆମେ ଏହାକୁ ସମର୍ଥନ କରିବୁ। ତଥାପି ସମର୍ପଣ ନିମନ୍ତ୍ରଣ ପ୍ରତ୍ୟାଖ୍ୟାନ କରାଯାଇଥିଲା।
