(ଶିମିଳିପାଳ) : ଦିନକୁ ଦିନ ଶିମିଳିପାଳରେ ଶିକାରୀଙ୍କ ମନମାନି ବୃଦ୍ଧି ପାଉଛି । ବନ୍ଧୁକ ରଖିବା ସହ ଶିକାର କରୁଛନ୍ତି । ଏହି ସମୟରେ ମୟୁରଭଞ୍ଜ ପୋଲିସକୁ ମିଳିଛି ବଡ଼ ସଫଳତା । ୨୧ ଜଣ ଶିକାରୀଙ୍କୁ ଗିରଫ କରିଛି ପୋଲିସ୍ । ସେମାନଙ୍କ ନିକଟରୁ ୧୬୫ ଟି ବନ୍ଧୁକ ଜବତ ହୋଇଛି । ଏ ନେଇ ସୂଚନା ଦେଇଛନ୍ତି ପୋଲିସ୍ ଅଧୀକ୍ଷକ ବି ଗଙ୍ଗାଧର ।
ସୂଚନାନୁଯାୟୀ , ମୟୂରଭଞ୍ଜର ୧୪ଟି ଥାନା ଅଞ୍ଚଳରେ ସର୍ଚ୍ଚ ଅପରେସନ କରାଯାଇଥିଲା । ଏହି ସମୟର ୧୬୫ ଦେଶୀ ବନ୍ଧୁକ ଓ ବନ୍ଧୁକ ତିଆରି ଯନ୍ତ୍ରାଂଶ ଜବତ କରଯାଇଛି । ଏଥିସହ ୫୦୦ ଗନ୍ ପାଉଡର, ବଜ୍ରକାପ୍ତା କାତି, ହରିଣ ଶିଙ୍ଗ ମଧ୍ୟ ଜବତ କରଯାଇଛି ।
