ଲକ୍ଷ୍ନୌ: ଆଗକୁ ଆସୁଛି ପାର୍ବଣ । ଏହି ପାର୍ବଣ ଉପରେ ଆତଙ୍କୀଙ୍କ ନଜର । ପାର୍ବଣ ବେଳେ ଜନଗହଳିପୂର୍ଣ୍ଣ ସ୍ଥାନରେ ଆତଙ୍କବାଦୀ ଆକ୍ରମଣ କରିବାକୁ ମସୁଧା କରୁଥିବା ଜଣାପଡିଛି । ଉତ୍ତରପ୍ରଦେଶ ବିଧାନସଭା ନିର୍ବାଚନ ପୂର୍ବରୁ ରାମଲୀଳା ଓ ନବରାତ୍ରୀ ସମୟରେ ଭିଡକୁ ଟାର୍ଗେଟ କରି ଆତଙ୍କବାଦୀ ଆକ୍ରମଣ ପାଇଁ ହୋଇଥିବା ପ୍ଲାନ ବିଷୟରେ ଜଣାପଡିଛି । ଏହି ସୂଚନା ମିଳିଛି ୬ ଆତଙ୍କବାଦୀ ପୁଲିସ ହାତରେ ଲାଗିବା ପରେ । ସେମାନେ ହେଲେ ମହମ୍ମଦ ଶେଖ୍ ଓରଫ୍ ସମୀର କାଲିୟା, ଓସାମା ଓରଫ୍ ସାମି, ମୁଲଚାନ୍ଦ ଓରଫ୍ ସାଜୁ ଓରଫ୍ ଲାଲା, ମହମ୍ମଦ ଅବୁ ବକର, ଜିସାନ କମାର ଓ ଆମିର ଜାଭେଦ । ସେମାନେ ଏକାଧିକ ଟାର୍ଗେଟେଡ୍ କିଲିଂ ଏବଂ ସିରିଜ୍ ଆଇଇଡି ବିସ୍ଫୋରଣ କରିବାକୁ ବ୍ଲୁପ୍ରିଣ୍ଟ ପ୍ରସ୍ତୁତ କରୁଥିଲେ । ଏହି ୬ ଜଣ ଆତଙ୍କବାଦୀଙ୍କୁ ଦିଲ୍ଲୀ ପୁଲିସର ସ୍ପେଶାସ ସେଲ ନିଜ ହାଜତକୁ ନେଇ ପୁଛତାଜ ଜାରି କରିଛି ।
। ସେମାନେ ୟୁପି, ମହାରାଷ୍ଟ୍ର ଓ ଦିଲ୍ଲୀରୁ ଗିରଫ ହୋଇଥିବା ବେଳେ, ସେମାନଙ୍କ ଠାରୁ ବିସ୍ଫୋରକ, ବନ୍ଧୁକ ଓ ଗୁଳି ଆଦି ଜବତ ହୋଇଛି। ଗିରଫ ଆତଙ୍କବାଦୀଙ୍କର ପାକିସ୍ତାନ ଲିଙ୍କ ଥିବା ଜଣାପଡିଛି । ଓସାମା ଓ ଜିସାନ ପାକିସ୍ତାନରୁ ଟ୍ରେନିଂ ନେଇଛନ୍ତି ମହମ୍ମଦ ଶେଖ୍ ଓରଫ୍ ସମୀର କାଲିୟାର ଅଣ୍ଡରର୍ଓ୍ୱାଲ୍ଡ ଡନ୍ ଦାଉଦ୍ ଇବ୍ରାହିମ୍ କନେକ୍ସନ ଥିବା ସୂଚନା ରହିଛି ସେ ଦାଉଦ୍ର ଭାଇ ଅନିସ୍ ଇବ୍ରାହିମ୍ର ଘନିଷ୍ଠ ବୋଲି କୁହାଯାଉଛି।
