ଏପ୍ରିଲ୍ ମାସରୁ ଡିଜିଟାଲ ଟ୍ରାଞ୍ଜାକ୍ସନରେ ହେବାକୁ ଯାଉଛି ବଡ ପରିବର୍ତ୍ତନ । ଏହି ଦିନଠାରୁ ଡିଜିଟାଲ କାରବାରରେ ସମ୍ପୂର୍ଣ୍ଣ ପରିବର୍ତ୍ତନ ହେବ । ଏବେକା ଯୁଗରେ ଠକେଇ ପରିମାଣ ଦ୍ରୁତ ଗତିରେ ବଢି ଚାଲୁଥିବାବେଳେ ଭାରତୀୟ ରିଜର୍ଭ ବ୍ୟାଙ୍କ ଏହାକୁ ରୋକିବା ପାଇଁ ନୂଆ ନିୟମ ଲାଗୁ କରିବାକୁ ନିଷ୍ପତ୍ତି ନେଇଛନ୍ତି । ଏହା ଭାରତୀୟ ରିଜର୍ଭ ବ୍ୟାଙ୍କ ଦ୍ୱାରା ପ୍ରତିଷ୍ଠିତ କଠୋର ପ୍ରମାଣୀକରଣ ନିୟମାବଳୀ କାର୍ଯ୍ୟକାରୀ ହେବା ଯୋଗୁଁ ହୋଇଛି।
ବର୍ଦ୍ଧିତ କାରବାର ପରିମାଣ ଏବଂ ଠକେଇର ବର୍ଦ୍ଧିତ ଘଟଣା ଦୃଷ୍ଟିରେ ରଖି RBI ଏହି ପଦକ୍ଷେପ ନେଇଛି। ଯଦି ଆପଣ ମଧ୍ୟ UPI, ନେଟ୍ ବ୍ୟାଙ୍କିଂ କିମ୍ବା ମୋବାଇଲ୍ ୱାଲେଟ୍ ବ୍ୟବହାର କରନ୍ତି, ତେବେ ଆସନ୍ତା ମାସରୁ ସେମାନଙ୍କ ମାଧ୍ୟମରେ ପେମେଣ୍ଟ କରିବାର ପ୍ରକ୍ରିୟା ସାମାନ୍ୟ ପରିବର୍ତ୍ତନ ହେବ। କାରଣ ଭାରତୀୟ ରିଜର୍ଭ ବ୍ୟାଙ୍କ ଏବେ ସମସ୍ତ ଡିଜିଟାଲ୍ କାରବାର ପାଇଁ ୨-ଫ୍ୟାକ୍ଟର ଅଥେଣ୍ଟିକେସନ୍ (୨FA) ବାଧ୍ୟତାମୂଳକ କରିବ। ସରଳ ଉପାୟରେ କହିବାକୁ ଗଲେ ଏଥର ଯେକୌଣସି ଅନଲାଇନ୍ ପେମେଣ୍ଟ ସମାପ୍ତ କରିବା ପାଇଁ ଆପଣଙ୍କୁ ଦୁଇଟି ପୃଥକ ପଦକ୍ଷେପରେ ଆପଣଙ୍କର ପରିଚୟ ପ୍ରମାଣ କରିବାକୁ ପଡିବ।
