ନୂଆଦିଲ୍ଲୀ: ଆଜି ବିଶ୍ୱ ଅଙ୍ଗଦାନ ଦିବସ। ଅଙ୍ଗଦାନ ଏକ ମାହାନ ଦାନ ଭାବେ କାହିଁ କେଉଁ କାଳରୁ ପରିଚିତ ହୋଇ ରହିଛି। ତେବେ ଏହି ଦିବସରେ ଅଙ୍ଗଦାନ ଦ୍ୱାରା କିପରି ଜଣେ ଲୋକ ମୃତ୍ୟୁ ପରେ ଅନେକ ଲୋକଙ୍କ ବଞ୍ଚିବାର ସାଥି ହୋଇପାରେ ତାହାକୁ ପ୍ରତିପାଦିତ କରେ। ବିଭିନ୍ନ ସ୍ଥାନରେ ଏହି ଦିବସ ପାଳନ କରାଯାଉଛି। ଓଡ଼ିଶାରେ ଏହି ଦିବସର ମହତ୍ତ୍ୱକୁ ଆହୁରି ବୃଦ୍ଧି କରିଛନ୍ତି ସରକାର ଏହାକୁ ସୂରଜ ପୁରସ୍କାର ଦିବସ ଭାବେ ପାଳନ କରାଯାଉଛି।
ଅଙ୍ଗ ଦାନ ସେମାନଙ୍କ ପାଇଁ ଏକ ବଡ଼ ଉପହାର, ଯାହାର ଅଙ୍ଗ ରୋଗ ଶେଷ ପର୍ଯ୍ୟାୟରେ ଅଛି ଏବଂ ଯିଏ ପ୍ରତିରୋପଣ ଆବଶ୍ୟକ କରନ୍ତି । ଯେଉଁ ବ୍ୟକ୍ତି ନିଜର ଅଙ୍ଗ ଦାନ କରନ୍ତି ତାଙ୍କୁ ‘ଅଙ୍ଗ ଦାତା’ କୁହାଯାଉଥିବାବେଳେ ଅଙ୍ଗ ଗ୍ରହଣ କରୁଥିବା ବ୍ୟକ୍ତିଙ୍କୁ ‘ପ୍ରାପ୍ତକର୍ତ୍ତା’ କୁହାଯାଏ । ଅଧିକାଂଶ କ୍ଷେତ୍ରରେ ଅଙ୍ଗଦାନ ଗ୍ରହଣକାରୀଙ୍କ ଜୀବନ ବଞ୍ଚାଇବା ପାଇଁ ଗୁରୁତ୍ୱପୂର୍ଣ୍ଣ, କାରଣ ଅସୁସ୍ଥତା କିମ୍ବା ଆଘାତ ହେତୁ ତାଙ୍କ ଅଙ୍ଗ ନଷ୍ଟ ହୋଇଯାଇଥିଲେ କିମ୍ବା ନଷ୍ଟ ହୋଇଯାଇଥିଲେ ସେମାନଙ୍କ ପାଇଁ ଏହା ଏକ ବଡ଼ ଆଶୀର୍ବାଦ ।
ଶରୀର ଦାନ ପ୍ରତି ଧୀରେ ଧୀରେ ଜନସାଧାରଣ ସଚେତନ ହେଉଛନ୍ତି। ଶରୀରଦାନକୁ ସରକାରୀ ସ୍ବୀକୃତି ମିଳିବା ପରେ ବହୁ ସଚେତନ ନାଗରିକ ମେଡିକାଲ ଛାତ୍ରଛାତ୍ରୀଙ୍କ ପାଠପଢ଼ା ପାଇଁ ମୃତ୍ୟୁ ପରେ ଶରୀର ଦାନ କରିବାକୁ ଘୋଷଣାନାମା ଦାଖଲ କରୁଛନ୍ତି। ଏମ୍କେସିଜି ମେଡିକାଲ କଲେଜର ଆନାଟୋମି ବିଭାଗକୁ ବର୍ତ୍ତମାନ ସୁଦ୍ଧା ୨୯ଜଣଙ୍କ ମରଶରୀର ମିଳି ସାରିଲାଣି। ଯାହାକି ଗବେଷଣାରେ ବିନିଯୋଗ ହେଉଛି। ଓଡ଼ିଶା ଆନାଟୋମି ବିଲ୍-୨୦୧୨ ପାସ୍ ହେବା ପରେ ଶରୀରଦାନକୁ ଆଇଗତ ସ୍ବୀକୃତି ମିଳିଛି। ୨୦୧୩ ଫେବ୍ରୁଆରି ମାସରେ ମେଡିକାଲ୍ ସାଇନ୍ସ ଓ ଗବେଷଣା ଦିଗରେ ଓଡ଼ିଶା ସରକାର ଏହି ଐତିହାସିକ ପଦକ୍ଷେପ ନେଇଥିଲେ। ସର୍ବସମ୍ମତି କ୍ରମେ ଓଡ଼ିଶା ବିଧାନସଭାରେ ଗୃହୀତ ହୋଇଥିଲା ଓଡ଼ିଶା ଆନାଟୋମି ବିଲ୍-୨୦୧୨। ଯଦ୍ବାରା ଯେ କୌଣସି ବ୍ୟକ୍ତି ମୃତ୍ୟୁ ପରେ ପରିବାରବର୍ଗଙ୍କ ଜରିଆରେ ତାଙ୍କ ଶରୀର ଗବେଷଣା ପାଇଁ ସରକାରୀ ମେଡିକାଲକୁ ଦାନ ଆକାରରେ ଦେବେ ବୋଲି ଲିଖିତ ଘୋଷଣା କରିପାରିବେ।
