(ଆଗ୍ରା) : ଉତ୍ତରଭାରତର କିଛି ସ୍ଥାନରେ ଥଣ୍ଡାର ପ୍ରକୋପ ଜାରି ରହିଛି। ଆଗ୍ରାରେ ପର୍ଯ୍ୟଟକମାନଙ୍କ ପାଇଁ ଥିବା ଐତିହାସିକ ଦର୍ଶନୀୟସ୍ଥାନ ସବୁ କୁହୁଡ଼ିଚାଦରରେ ଢ଼ାଙ୍କି ହୋଇଯାଇଛି। ପର୍ଯ୍ୟଟକଙ୍କୁ ନିରାଶ ହୋଇ ଫେରିବାକୁ ପଡ଼ୁଛି।
ସୂଚନାନୁଯାୟୀ , ପ୍ରବଳ ଥଣ୍ଡା ସହ କୁହୁଡ଼ି ପ୍ରକୋପ ଜାରି ରହିଛି। ଏଥିପାଇଁ ଯାତାୟାତରେ ବି ଅସୁବିଧା ଦେଖା ଦେଉଛି। ଯାତ୍ରୀଙ୍କ ସୁରକ୍ଷାକୁ ଦୃଷ୍ଟିରେ ରଖି ଘନକୁହୁଡ଼ି ପାଇଁ ଅନେକ ଟ୍ରେନକୁ ବାତିଲ କରାଯାଇଛି। ଆଉ କିଛି ଟ୍ରେନର ଯାତ୍ରା ସମୟକୁ ବିଳମ୍ବ କରାଯାଇଛି। ଏହି ଘନ କୁହୁଡ଼ି ପାଇଁ ବୁଧବାର ଉତ୍ତରପ୍ରଦେଶର ଆଗ୍ରାରେ ଜାତୀୟ ରାଜପଥରେ ୧୨ରୁ ଅଧିକ ଗାଡ଼ି ପରସ୍ପର ସହିତ ଧକ୍କା ଖାଇ ରାସ୍ତାରେ ଅଟକି ଯାଇଥିଲେ। ଏହି ଦୁର୍ଘଟଣାରେ ୧୨ରୁ ଅଧିକ ଯାତ୍ରୀ ଆହତ ହୋଇଥିଲେ। ଆହତ ଯାତ୍ରୀଙ୍କୁ ଉଦ୍ଧାର କରି ଚିକିତ୍ସା ପାଇଁ ହସ୍ପିଟାଲରେ ଭର୍ତ୍ତି କରାଯାଇଥିଲା।
