ପଣ୍ଡିତ ଯଶରାଜଙ୍କୁ ସ୍ୟାଣ୍ଡ ଆନିମେସନ ଜରିଆରେ ଶ୍ରଦ୍ଧାଞ୍ଜଳି

(ଜୟନ୍ତ କୁମାର ସେଠୀ/ପୁରୀ): ଭାରତୀୟ ଶାସ୍ତ୍ରୀୟ ସଙ୍ଗୀତ ବିଶାରଦ ସ୍ୱର୍ଗତଃ ପଣ୍ଡିତ ଯଶରାଜଙ୍କୁ ଏକ ସ୍ୟାଣ୍ଡ ଆନିମେସନ ଜରିଆରେ ଅଶ୍ରୁଳ ଶ୍ରଦ୍ଧାଞ୍ଜଳି ଜଣାଇଛନ୍ତି ଆନ୍ତର୍ଜାତିକ ବାଲୁକା ଶିଳ୍ପୀ ମାନସ କୁମାର ସାହୁ । ତାଙ୍କ ନିର୍ମିତ ଏହି ଆନିମେସନରେ କିମ୍ବଦନ୍ତୀ ଯଶରାଜ ଜୀଙ୍କୁ ଶ୍ରଦ୍ଧାଞ୍ଜଳି ବୋଲି ସେ ଉଲ୍ଲେଖ କରିଛନ୍ତି । ଏହି ସ୍ୟାଣ୍ଡ ଆନିମେସନଟି ନିର୍ମାଣ କରିବାକୁ ତାଙ୍କୁ ୨ ଘଣ୍ଟା ସମୟ ଲାଗିଥିଲା । ସୂଚନାଯୋଗ୍ୟ, ଗତ ୧୭ ତାରିଖରେ ଏହି ବିଶିଷ୍ଟ ସଙ୍ଗୀତ ବିଶାରଦଙ୍କ ଆମେରିକାରେ ୯୦ ବର୍ଷ ବୟସରେ ପରଲୋକ ହୋଇଥିଲା । ସେ ଶାସ୍ତ୍ରୀୟ ସଙ୍ଗୀତ ପାଇଁ ଅନେକ ରାଷ୍ଟ୍ରୀୟ ସମ୍ନାନ ପାଇଛନ୍ତି ।