ବାଂଲାଦେଶ କ୍ରିକେଟ୍ ବୋର୍ଡ ଶୁକ୍ରବାର ଘୋଷଣା କରିଛି ଯେ ଚଳିତ ବର୍ଷ ସେପ୍ଟେମ୍ବରରେ ଖେଳାଯିବାକୁ ଥିବା ତିନି ମ୍ୟାଚ୍ ବିଶିଷ୍ଟ ଦିନିକିଆ ଏବଂ ଟି-୨୦ ସିରିଜ୍ ପାଇଁ ଭାରତକୁ ଆତିଥ୍ୟ ଦେବ । କିନ୍ତୁ ସ୍ଥିର ସରକାର ନଥିବା ପରିସ୍ଥିତରେ ବିସିସିଆଇ ବାଂଲାଦେଶ ଯାତ୍ରା କରିବାକୁ ରାଜି ହେବ କି ନାହିଁ ତାହା ସ୍ପଷ୍ଟ ନୁହେଁ । ବାଂଲାଦେଶ କ୍ରିକେଟ୍ ବୋର୍ଡ ଅନୁଯାୟୀ, ତିନୋଟି ଦିନିକିଆ ସିରିଜ୍ ସେପ୍ଟେମ୍ବର ୧, ୩ ଏବଂ ୬ରେ ଖେଳାଯିବ ଏବଂ ସେପ୍ଟେମ୍ବର ୯, ୧୨ ଏବଂ ୧୩ରେ ଟି-୨୦ ସିରିଜ୍ ଖେଳାଯିବ । ତେବେ ନୂଆ ସିଡ୍ୟୁଲ୍ ଅନୁସାରେ ଭାରତୀୟ ଦଳ ଅଗଷ୍ଟ ୨୮ରେ ବାଂଲାଦେଶରେ ପହଞ୍ଚିବ ।
ଭାରତର ଏହି ଗସ୍ତ ୨୦୨୫ ଅଗଷ୍ଟ-ସେପ୍ଟେମ୍ବର ମାସରେ ହେବାକୁ ଥିଲେ ବି ସେଠାକାର ରାଜନୈତିକ ପରିସ୍ଥିତି ଓ ସୁରକ୍ଷା କାରଣକୁ ଦୃଷ୍ଟିରେ ରଖି ତାହାକୁ ଘୁଞ୍ଚାଇ ଦିଆଯାଇଥିଲା । ତେବେ ସେ ସମୟରେ ଦୁଇ ଦେଶର ବୋର୍ଡ ଏକ ବୟାନ ଜାରି କରି କହିଥିଲେ ଅନ୍ତର୍ଜାତୀୟ କ୍ରିକେଟ କମିଟମେଣ୍ଟ ଓ ସିଡ୍ୟୁଲିଂ ସୁବିଧା ପାଇଁ ସିରିଜକୁ ଘୁଞ୍ଚାଯାଉଛି ।
