ଭୁବନେଶ୍ୱର: ରାଜ୍ୟରେ ମୋଟ ୪୪ ଜଣ କରୋନା ସଂକ୍ରମିତ ଥିବା ବେଳେ ସେମାନଙ୍କ ମଧ୍ୟରୁ ଭୁବନେଶ୍ୱରରେ ୩୫ ଜଣ ରହିଛନ୍ତି, ଯାହା ଭୁବନେଶ୍ୱର ମହାନଗର ନିଗମର ମୁଣ୍ଡ ବ୍ୟଥାର କାରଣ ପାଲଟିଛି । ତେଣୁ ଔଷଧ ପରି ଏକ ଅତି ଜରୁରୀ ସାମଗ୍ରୀର ହୋମ ଡେଲିଭରୀ ବ୍ୟବସ୍ଥା ଆରମ୍ଭ କରାଯାଇଛି ବିଏମସି ଦ୍ୱାରା । ବିଏମସି ପକ୍ଷରୁ ରାଜଧାନୀ ଭୁବନେଶ୍ୱରରେ ୧୨୧ଟି ନୂଆ ଔଷଧ ଦୋକାନ ଚିହ୍ନଟ କରାଯାଇଛି । ଅନ୍ଲାଇନ୍ରେ ବୁକିଂ କଲେ ଔଷଧ ଘରେ ପହଞ୍ଚିବ । ପ୍ରତି ଥାନା ଅଧୀନରେ ଅତିକମ୍ରେ ୬ଟି ଔଷଧ ଦୋକାନକୁ ଏହି ପ୍ରକ୍ରିୟାରେ ସାମିଲ୍ କରାଯାଇଛି ।
ଭୁବନେଶ୍ୱରରେ ସର୍ବାଧିକ ସଂକ୍ରମିତ ଥିବାରୁ ଏହାକୁ ରୋକିବାକୁ ବିଏମ୍ସି ରାଜଧାନୀର ୫ଟି ଜାଗାକୁ ସିଲ୍ କରି ସାନିଟାଇଜ୍ କରୁଛି। ତେବେ ଏପରିସ୍ଥିତିରେ ଔଷଧ ପାଇଁ ଲୋକେ ବିଭିନ୍ନ ପ୍ରକାର ଅସୁବିଧାରେ ପଡୁଛନ୍ତି । ଏହାର ସ୍ଥାୟୀ ପ୍ରତିକାର କରିବା ପାଇଁ ବିଏମ୍ସି ଅନ୍ଲାଇନ୍ରେ ଔଷଧ ମଗାଇବା ବ୍ୟବସ୍ଥା କରିଛନ୍ତି ।
