ୱାସିଂଟନ: ଚୀନରୁ ସୃଷ୍ଟ କୋରୋନା ଭୂତାଣୁରେ ପ୍ରାୟ ୩୩୦୦ ଜଣଙ୍କ ମୃତ୍ୟୁ ହୋଇଥିବା ବେଳେ ବ୍ରିଟେନରେ ପ୍ରଥମ କୋରୋନା ମୃତ୍ୟୁ ଖବର ଆସିଛି । ଚୀନବାହାରେ ସାରା ବିଶ୍ୱରୁ କୋରୋନା ମୃତ୍ୟୁ ସଂଖ୍ୟା ବୃଦ୍ଧି ପାଇବାରେ ଲାଗିଛି । ଅପରପକ୍ଷରେ ଆମେରିକା କରୋନାର ମୁକାବିଲ ପାଇଁ ୬.୩ ବିଲିୟନ ଡଲାରର ଫଣ୍ଡ ଜାରି କରିଛି । ସମାଚାର ଏଜେନ୍ସି ପିଟିଆଇ ତରଫରୁ ମିଳିଥିବା ସୂଚନା ପକ୍ଷରୁ ଇଂଲଣ୍ଡର ମୁଖ୍ୟ ମେଡିକାଲ ଅଫିସର କ୍ରିସ ବାଇଟିଙ୍କ ବୟାନ ପ୍ରକାଶ ପାଇଛି । ସେ ଗୁରୁବାର ସୂଚନା ଦେଇଛନ୍ତି, ବ୍ରିଟେନରେ କୋରୋନାରେ ପ୍ରଥମ ମୃତ୍ୟୁ ଘଟଣା ସାମ୍ନାକୁ ଆସିଛି ଓ ୧୧୫ ଜଣ ସଂକ୍ରମିତ ଅଛନ୍ତି ।
କ୍ରିସ କହିଛନ୍ତି, କୋରୋନା ସଂକ୍ରମଣରେ ଜଣେ ବୟସ୍କଙ୍କ ମୃତ୍ୟୁ ହୋଇଛି । ତାଙ୍କ ଚିକିତ୍ସା ପଶ୍ଚିମ ଲଣ୍ଡନର ରୟାଲ ବର୍କଶାୟର ହସ୍ପିଟାଲରେ ହେଉଥିଲା । ଏଥିସହ ବ୍ରିଟେନରେ ଆଉ ୨୫ ଟି କୋରୋନା ସଂକ୍ରମଣ ଚିହ୍ନଟ ହେବା ପରେ ମୋଟ ସଂକ୍ରମିତଙ୍କ ସଂଖ୍ୟା ୧୧୫ରେ ପହଞ୍ଚିଛି । ସେମାନଙ୍କ ମଧ୍ୟରେ ୧୭ ଜଣ ନିକଟ ଅତିତରେ ବିଦେଶ ଗସ୍ତରୁ ଫେରିଥିଲେ । ଅପରପକ୍ଷରେ କୋରୋନାରେ ବର୍ତ୍ତମାନ ପର୍ଯ୍ୟନ୍ତ ଆମେରିକାରେ ୧୨ ଜଣଙ୍କ ମୃତ୍ୟୁ ହୋଇସାରିଲାଣି । ଏହା ପରେ ଏବେ ଏହାର ମୁକାବିଲା ପାଇଁ ଯୁଦ୍ଧକାଳୀନ ଭିତ୍ତିରେ ପ୍ରସ୍ତୁତି ଅ।।ରମ୍ଭ ହୋଇ ଯାଇଛି । ସରକାର କୋରୋନା ସହ ଲଢିବାକୁ ୮.୩ ବିଲିୟନ ଡଲାର ଜାରି କରିଛି । ଡେମୋକ୍ରାଟିକ ସିନେଟର ପେଟ୍ରିକ ଲେହ କହିଛନ୍ତି, ଆମେରିକା ନାଗରିକ ଉପଯୁକ୍ତ ନେତୃତ୍ୱ ଚାହୁଁଛନ୍ତି । ସେମାନେ ସରକାରଠ।।ରୁ ସେମାନଙ୍କ ସ୍ୱାସ୍ଥ୍ୟର ସୁରକ୍ଷ।। ସୁନିଶ୍ଚିତ କରାବାକୁ ଚାହୁଁଛନ୍ତି ।
ସୂଚନାଯୋଗ୍ୟ, ଆମେରିକାରେ କୋରୋନାର ପ୍ରଥମ ଚିହ୍ନଟ ଜାନୁଆରୀ ମାସରେ ହୋଇଥିଲା । ଏହା ପରେ ଫେବୃଆରୀ ୨୯ରେ ପ୍ରଥମ ମୃତ୍ୟୁ ଘଟଣା ସାମ୍ନାକୁ ଆସିଥିଲା । ଏହା ପରେ ବର୍ତ୍ତମାନ ପର୍ଯ୍ୟନ୍ତ ଆମେରିକାରେ ୧୫ ରାଜ୍ୟର ମୋଟ ୧୨ ଜଣଙ୍କ ମୃତ୍ୟୁ ହୋଇ ସାରିଛି ଓ ୧୮୦ ଲୋକ ସଂକ୍ରମିତ ଅଛନ୍ତି । ସାରା ବିଶ୍ୱରେ କୋରୋନାରେ ପ୍ରାୟ ୩୩୦୦ ଜଣଙ୍କ ମୃତ୍ୟୁ ହୋଇଥିବା ବେଳେ ୯୭୭୩୫ ଜଣ ସଂକ୍ରମିତ ଥିବା ଜଣାପଡିଛି । ଚୀନ ପରେ ଇଟାଲୀ ଓ ଇରାନ କୋରୋନାରେ ସବୁଠ।।ରୁ ଅଧିକ ପ୍ରଭାବିତ ହୋଇଛି ।
