(ଭୁବନେଶ୍ୱର) : ଦିନକୁ ଦିନ ବୃଦ୍ଧି ପାଇବାରେ ଲାଗିଛି ଡେଙ୍ଗୁ ସଂକ୍ରମଣ । ଏହି ସମୟରେ ରାଜ୍ୟରେ ଡେଙ୍ଗୁ ସଂକ୍ରମଣ ସଂଖ୍ୟା ୩ ହଜାର ପାର୍ କରିଥିବା ବେଳେ ପ୍ରଶାସନ ଓ ଲୋକଙ୍କ ଚିନ୍ତା ଥମିବାର ନା ନେଉନି
ସୂଚନାନୁଯାୟୀ , ଅଗଷ୍ଟ ୨୭ ସୁଦ୍ଧା ରାଜ୍ୟରେ ମୋଟ ୩୦୬୯ ଜଣ ଡେଙ୍ଗୁ ପଜିଟିଭ ଚିହ୍ନଟ ହୋଇଛନ୍ତି । ଚିହ୍ନଟ ମୋଟ୍ ଡେଙ୍ଗୁ ରୋଗୀଙ୍କ ମଧ୍ୟରୁ ୧୪୦୯ ଜଣ କେବଳ ଖୋର୍ଦ୍ଧା ଜିଲ୍ଲାରୁ ଚିହ୍ନଟ ହୋଇଛନ୍ତି । ସେହିପରି ପୁରୀରୁ ୩୨୪ ଜଣ, କଟକରୁ ୨୭୮ , ବାଲେଶ୍ୱରରୁ ୨୭୭ , ଜଗତସିଂହପୁରରୁ ୧୭୩ ଓ ନୟାଗଡ଼ରୁ ୧୧୬ ଜଣ ଡେଙ୍ଗୁ ରୋଗୀ ଚିହ୍ନଟ ହୋଇଛନ୍ତି । ହଟସ୍ପଟ୍ ପାଲଟିଛି ଭୁବନେଶ୍ୱର । ଖୋର୍ଦ୍ଧା ଜିଲ୍ଲାରୁ ଚିହ୍ନଟ ହୋଇଥିବା ଡେଙ୍ଗୁ ରୋଗୀଙ୍କ ମଧ୍ୟରୁ ଅଧିକାଂଶ ହେଉଛନ୍ତି ଭୁବନେଶ୍ୱରର ।
