ନୂଆଦିଲ୍ଲୀ: ଭୀମ ଆର୍ମି ପ୍ରମୁଖ ଚନ୍ଦ୍ର ଶେଖରଙ୍କ ଜମାନତ ଯାଚିକାର ଶୁଣାଣି କରି ଦିଲ୍ଲୀର ତିସ ହଜାରୀ କୋର୍ଟ ଦିଲ୍ଲୀ ପୁଲିସକୁ ତୀରସ୍କାର କରିଛନ୍ତି । ନାଗରିକତା ଆଇନକୁ ନେଇ ଦରିଆଗଂଜ ଅଞ୍ଚଳରେ ଥିବା ଜାମା ମସ୍ଜିଦ ନିକଟରେ ପ୍ରଦର୍ଶନ ସମୟରେ ହୋଇଥିବା ଲାଠି ଚାର୍ଜ କରିଥିଲା । ଅଦାଲତ କହିଛନ୍ତି, ଲୋକ କୌଣସି ବି ସ୍ଥାନରେ ଶାନ୍ତିପୂର୍ଣ୍ଣ ପ୍ରଦର୍ଶନ କରିପାରିବେ । ଜାମା ମସଜିଦ ପାକିସ୍ତାନରେ ନାହିଁ କି ଯେଉଁଠାରେ ଲୋକଙ୍କୁ ପ୍ରଦର୍ଶନ କରିବାକୁ ଦିଆଯିବ ନାହିଁ । ପାକିସ୍ତାନର ମଧ୍ୟ ଶାନ୍ତିପୂର୍ଣ୍ଣ ପ୍ରଦର୍ଶନ ହୋଇଥାଏ । ଅଦାଲତ ଦିଲ୍ଲୀ ପୁଲିସକୁ ପ୍ରଶ୍ନ କରିଛନ୍ତି, ଏପରି କେଉଁ ଆଇନରେ ଅଛି, କୌଣସି ଧାର୍ମିକସ୍ଥଳରେ ବିରୋଧ କରାଯିବା ଉପରେ ପ୍ରତିବନ୍ଧ ରହିଛି ।
ଅପରପକ୍ଷରେ ଆଜି ଭୀମ ଆର୍ମି ମୁଖ୍ୟ ଚନ୍ଦ୍ରଶେଖରଙ୍କ ଜାମିନ ଆବେଦନ ଯାଚିକା ଉପରେ ଆଜି ହେବାକୁ ଥିବା ଶୁଣାଣିକୁ ଆସନ୍ତା କାଲିକୁ ସ୍ଥଗିତ କରିଛନ୍ତି । ସାହାରନ ପୁରରେ ତାଙ୍କ ବିରୋଧରେ ହୋଇଥିବା ସମସ୍ତ ଏଫଆଇଆରକୁ କୋର୍ଟଙ୍କ ସମ୍ମୁଖରେ ପ୍ରସ୍ତୁତ କରିବାକୁ ପୁଲିସକୁ ପର୍ଯ୍ୟାପ୍ତ ସମୟ ଦେବା ପ।।ଇଁ ଶୁଣାଣିକୁ ସ୍ଥଗିତ ରଖିଛନ୍ତି କୋର୍ଟ ।
ସୂଚନାଯୋଗ୍ୟ, ୨୦ ଡିସେମ୍ବରକୁ ନାଗରିକତା ଆଇନ ବିରୋଧରେ ଦିଲ୍ଲୀର ବିଭିନ୍ନ ସ୍ଥାନରେ ପ୍ରଦର୍ଶାନ କରାଯାଇଥିଲା । ଦରିଆଗଂଜ ଓ ଜାମା ମସଜିଦ ଓ ଇଣ୍ଡିଆ ଗେଟ ସମ୍ମୁଖରେ ଲୋକ ପ୍ରଦର୍ଶନ କରିବାକୁ ଏକାଠି ହୋଇଥିଲେ । ଇଣ୍ଡିଆ ଗେଟ ନିକଟରେ ଚନ୍ଦ୍ରଶେଖର ପ୍ରଦର୍ଶନର ନେତୃତ୍ୱ ନେଇଥିବା ବେଳେ ପୁଲିସ ସେଠାରେ ଲାଠି ଚାର୍ଜ କରିଥିଲା ଓ ଚନ୍ଦ୍ରଶେଖରଙ୍କୁ ସେଠାରୁ ଉଠାଇ ନେଇଥିଲା । ସେତେବେଳେ ଚନ୍ଦ୍ରଶେଖର ଜାମା ମସଜିଦ ନିକଟରେ ଥିଲେ ଓ ତାଙ୍କୁ ଗିରଫ କରାଯାଇଥିଲା ।
