ଦିଗପହଣ୍ଡିରେ ପହଞ୍ଚିଲା କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ ଙ୍କ ପ୍ରଦତ୍ତ ରିଲିଫ ସାମଗ୍ରୀ

(ହିଞିଳି/ ରଜନୀକାନ୍ତ ପାତ୍ର): କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ ଦିଗପହଣ୍ଡି ବିଧାନସଭା ନିର୍ବାଚନମଣ୍ଡଳୀ ପାଇଁ ଗୁରୁବାର ଏକ ରିଲିଫ ସାମଗ୍ରୀ ବୋଝେଇ ଟ୍ରକ ପଠାଇଛନ୍ତି। ଟ୍ରକଟି ଦିଗପହଣ୍ଡି ସ୍ଥିତ ବିଜେପି ଦଳୀୟ କାର୍ୟ୍ୟାଳୟ ନିକଟରେ ପହଞ୍ଚିଛି । ସନ୍ଧ୍ୟାରେ ଦଳର କାର୍ୟ୍ୟକର୍ତ୍ତା ମନୋଜ କୁମାର ପଣ୍ଡା, ଶୁଭେନ୍ଦୁ କୁମାର ପାଢୀ, ସୂର୍ୟ୍ୟନାରାୟଣ ସାହୁ ପ୍ରମୁଖ ରିଲିଫ ସାମଗ୍ରୀ ସମ୍ପର୍କରେ ସୁଚନା ଦେଇଥିଲେ । ଚୁଡା,ବିସ୍କେଟ,ମାକ୍ସ,ସାବୁନ,ଚାଉଳ,ଡାଲି ଓ ଚିନି ଭଳି ଶୁଖିଲା ସାମଗ୍ରୀ କେନ୍ଦ୍ରମନ୍ତ୍ରୀ ପଠାଇଥିବା ଜଣାପଡିଛି । ଏସବୁ ଖାଦ୍ୟ ସାମଗ୍ରୀ ଗରିବ,ନିଷ୍ପେଶିତ ଲୋକଙ୍କୁ ବଣ୍ଟାଯିବା ସମ୍ପର୍କରେ ସେମାନେ ସୁଚନା ଦେଇଛନ୍ତି। ତା ସହିତ କରୋନା ର ଭୟାବହତା ସମ୍ପର୍କରେ ଲୋକମାନଙ୍କୁ ବ୍ୟାପକ ସଚେତନ କରିବା ସହ ଏହି କରୋନା ଯୁଦ୍ଧରେ ସମସ୍ତ ଦଳୀୟ କର୍ମୀ ସହଯୋଗ କରିବା ପାଇଁ କେନ୍ଦ୍ରମନ୍ତ୍ରୀ ପରାମର୍ଶ ଦେଇଥିବା ସେମାନେ କହିଛନ୍ତି।