(ଭୁବନେଶ୍ୱର) : ଶୀତରେ ଥରୁଛି ଓଡ଼ିଶା । ଧୀରେ ଧୀରେ ରାତିର ତାପମାତ୍ରା କମିବାରେ ଲାଗିଛି । ଏଥି ମଧ୍ୟରେ ଗତକାଲି ୧୫ ଡିଗ୍ରୀ ତଳେ ରହିଛି ୨୪ ସହରର ତାପମାତ୍ରା ।
ସୂଚନାନୁଯାୟୀ , ୮ ପ୍ରବଳ ଶୀତ ଯୋଗୁଁ ଲୋକେ ସ୍ଥାନେ ସ୍ଥାନେ ନିଆଁ ଲଗାଇ ଉପଶମ ଲାଭ କରୁଥିବା ଦେଖିବାକୁ ମିଳିଛି । ଆଉ ଶୀତ ବଢିବା ସହ ପାର୍କ ଓ ରାସ୍ତା କଡ ଗୁଡିକରେ ଲୋକେ ପ୍ରାତଃ ଭ୍ରମଣ କରୁଛନ୍ତି । ସକାଳୁ ସକାଳୁ ଚା’ ଦୋକାନରେ ଭିଡ ଜମୁଛି । ଗରମ ଚା’ ପିଇ ଶୀତର ମଜା ନେଉଛନ୍ତି ଲୋକେ । ତେବେ ଓଡ଼ିଶାର କଶ୍ମୀର କୁହାଯାଉଥିବା ଦାରିଙ୍ଗବାଡ଼ି ଓ କନ୍ଧମାଳର ଜି. ଉଦୟଗିରି ଅଞ୍ଚଳରେ ଗତକାଲି ଠାରୁ ପ୍ରବଳ ଶୀତ ଲାଗି ରହିଛି । ଏହା ପରେ ଆସନ୍ତା ୭ଦିନ ପର୍ଯ୍ୟନ୍ତ ପାଗ ମୁଖ୍ୟତଃ ଶୁଖିଲା ରହିବ ।
