ମହାଭାରତ, ନୂଆଦିଲ୍ଲୀ: ଅଯୋଧ୍ୟାରେ ରାମ ମନ୍ଦିର ନିର୍ମାଣ କାର୍ଯ୍ୟ ଯଥାଶୀଘ୍ର ଆରମ୍ଭ କରିବାକୁ ଶୁକ୍ରବାର ଦିନ ରାମ ଜନ୍ମଭୂମି ଟ୍ରଷ୍ଟର ଅଧ୍ୟକ୍ଷ ମହନ୍ତ ନୃତ୍ୟଗୋପାଳ ଦାସ ମହରାଜ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ଅନୁରୋଧ କରିଛନ୍ତି । ଗଣମାଧ୍ୟମକୁ ଆଜିର ସାକ୍ଷାତକାରକୁ ନେଇ ପ୍ରଶ୍ନର ଉତ୍ତରରେ ମହନ୍ତ କହିଥିଲେ, ଆମେ ମୋଦିଙ୍କ ଭେଟି ରାମ ମନ୍ଦିର ନିର୍ମାଣ କାର୍ଯ୍ୟ ଶୀଘ୍ର ଆରମ୍ଭ କରିବାକୁ ଅନୁରୋଧ କରିଥିଲୁ । ସେ ମଧ୍ୟ ଆମକୁ ସମାନ ପ୍ରତିଶ୍ରୁତି ଦେଇଛନ୍ତି । ଏଥିସହ ଆମେ ତାଙ୍କୁ ଅଯୋଧ୍ୟା ଆସିବାକୁ ଅନୁରୋଧ କରିଛୁ ବୋଲି ମହନ୍ତ ଜଣାଇଛନ୍ତି ।
ସୂଚନାଯୋଗ୍ୟ, ଗତବର୍ଷ ନଭେମ୍ବର ୯ ତାରିଖରେ ସୁପ୍ରିମ କୋର୍ଟ ଏକ ଐତିହାସିକ ନିଷ୍ପତ୍ତି ନେଇ କେନ୍ଦ୍ର ସରକାରକୁ ନିର୍ଦ୍ଦେଶ ଦେଇଥିଲେ କି, ରାମ ମନ୍ଦିର ନିର୍ମାଣ ପାଇଁ ଏକ ଟ୍ରଷ୍ଟ କରି ଉକ୍ତ ଦୀର୍ଘ ବିବାଦିତ ଜାଗାକୁ ଟ୍ରଷ୍ଟକୁ ହସ୍ତାନ୍ତର କରନ୍ତୁ । ଏହା ବ୍ୟତୀତ ଆପେକ୍ସ କୋର୍ଟ କେନ୍ଦ୍ରକୁ ନିର୍ଦ୍ଦେଶ ଦେଇଥିଲେ, ସୁନି ୱାକ୍ସ ବୋର୍ଡକୁ ସରକାର ୫ ଏକ ପରିମିତ ଉପଯୁକ୍ତ ଜାଗା ପ୍ରଦାନ କରୁ ।
ଶୀଘ୍ର ରାମ ମନ୍ଦିର ନିର୍ମାଣ ଆରମ୍ଭ କରିବାକୁ ଟ୍ରଷ୍ଟ ମୁଖ୍ୟଙ୍କ ଅନୁରୋଧ
