(ମହାଭାରତ, କେନ୍ଦୁଝର): କେନ୍ଦୁଝର ଜିଲ୍ଲାରେ ପୁଣି ଗୋରୁ ଚାଲାଣ ସକ୍ରିୟ ହୋଇଛି । ଆନନ୍ଦପୁର ଅଞ୍ଚଳରେ ବୁଧବାର ୪୦ଟି ଗୋରୁଙ୍କୁ ବୋଝେଇ କରି ନେଉଥିବା ଦୁଇଟି କଣ୍ଟେନରକୁ ପୋଲିସ ଜବତ କରିଛି । ସୂଚନା ଅନୁଯାୟୀ, କଣ୍ଟେନର ଦୁଇଟି ଗୋରୁଙ୍କୁ ପାଖ ରାଜ୍ୟକୁ ଚାଲାଣ କରୁଥିବା ବେଳେ ପୋଲିସର ଏକ ପାଟ୍ରୋଲିଂ ଟିମ୍ ଖବର ପାଇ ଗାଡିକୁ ଅଟକାଇବାକୁ ଉଦ୍ୟମ କରିଥିଲା । ଫଳରେ ଗାଡି ଛାଡି ଡ୍ରାଇଭର ଫେରାର ହୋଇଯାଇଥିଲା । ପୋଲିସ କଣ୍ଟେନର ଦୁଇଟିକୁ ଜବତ କରିବା ସହ ୪୦ଟି ଗୋରୁଙ୍କୁ ଘଟଣାସ୍ଥଳରୁ ଉଦ୍ଧାର କରିଛି । ଜିଲ୍ଲାରେ ଗୋରୁଚାଲାଣ ଦିନକୁ ଦିନ ବୃଦ୍ଧି ପାଉଥିବାରୁ ପୋଲିସ ଏନେଇ ମାମଲା ରୁଜୁ କରିବା ସହ ତଦନ୍ତ ଆରମ୍ଭ କରିଛି ।
୨ ଗୋରୁ ବୋଝେଇ କଣ୍ଟେନର ଜବତ
