(ବଲାଙ୍ଗୀରି) : ରାଉରକେଲାରେ ପରେ ଏବେ ବଲାଙ୍ଗିରରେ ଡାଇରିଆ ଆତଙ୍କ । ବଲାଙ୍ଗିର କଣ୍ଟାବାଞ୍ଜି ହସ୍ପିଟାଲରେ ଝାଡ଼ାବାନ୍ତିରେ ୨ ଜଣଙ୍କ ମୃତ୍ୟୁ ହୋଇଥିବା ନେଇ ସୂଚନା ରହିଛି । ମୃତକଙ୍କ ମଧ୍ୟରେ ଜଣେ ମହିଳା ଓ ଜଣେ ପୁରୁଷ ରହିଛନ୍ତି । ଏନେଇ ବଲାଙ୍ଗିର ସିଡିଏମଙ୍କ ପକ୍ଷରୁ ସୂଚନା ଜାରି କରାଯାଇଛି ।
ସୂଚନାନୁଯାୟୀ , ରାଉରକେଲାରେ ଏପର୍ଯ୍ୟନ୍ତ ଡାଇରିଆ ନିୟନ୍ତ୍ରଣକୁ ଆସି ନାହିଁ ହେଲେ ଏପଟେ ବଲାଙ୍ଗିରର କଣ୍ଟାବାଞ୍ଝିଆରେ ଝାଡ଼ାବାନ୍ତି ବଢାଇଲାଣି ଚିନ୍ତା । ବଲାଙ୍ଗିର ସିଡିଏମଙ୍କ ପକ୍ଷରୁ ମିଳିଥିବା ସୂଚନା ଅନୁସାରେ ଗତକାଲି ଗୁରୁତର ଅବସ୍ଥାରେ ୬ ଜଣ ଆକ୍ରାନ୍ତ ଡାକ୍ତରଖାନାରେ ଭର୍ତ୍ତି ହୋଇଥିଲେ । ଯେଉଁମାନଙ୍କ ମଧ୍ୟରୁ ଆଜି ୨ ଜଣ ଆକ୍ରାନ୍ତଙ୍କ ମୃତ୍ୟୁ ହୋଇଛି ।
