ବାଗଦାଦ: ଇରାକ ରାଜଧାନୀ ବାଗଦାଦରେ ଭୟଙ୍କର ବିସ୍ଫୋରଣ । ସୋମବାର ଏହି ବିସ୍ଫୋରଣ ହୋଇଛି । ବାଗଦାଦ ରାସ୍ତା କଡ଼ରେ ଏହି ବିସ୍ଫୋରଣ ହୋଇଥିବା ବେଳେ ଏଥିରେ ଅନ୍ୟୁନ ୩୫ ଜଣଙ୍କର ମୃତ୍ୟୁ ଘଟିଛି ଓ ୧୦ରୁ ଅଧିକ ଲୋକ ଆହତ ହୋଇ ଥିବା ସେଠାକାର ସୁରକ୍ଷା ଅଧିକାରୀ ସୂଚନା ଦେଇଛନ୍ତି। ଇଦ୍-ଉଲ୍-ଅଦାର ପର୍ବ ପାଳନ ହେବାକୁ ଥିବା ବେଳେ ଏହି ପର୍ବ ପାଇଁ ଲୋକଙ୍କର କିଣାବିକା ଚାଲିଛି । ଏପରି ସମୟରେ ଇରାକର ମୁଖ୍ୟ ସହରର ଏକ ଜନପୂର୍ଣ୍ଣ ବଜାରରେ ବିସ୍ଫୋରଣ ହୋଇଛି ।
ବିସ୍ଫୋରଣ ପାଇଁ କୌଣସି ସଂଗଠନ ନିଜକୁ ଦାୟୀ କରିନାହାନ୍ତି। କିନ୍ତୁ ଇସଲାମିକ୍ ଷ୍ଟେଟ୍ ପୂର୍ବରୁ ଏହି ଅଞ୍ଚଳରେ ପୂର୍ବରୁ ହୋଇଥିବା ଏଭଳି ଆକ୍ରମଣ ପାଇଁ ନିଜକୁ ଦାୟୀ କରିସାରିଛି। ଏହି ଘଟଣା ପରେ ପ୍ରଧାନମନ୍ତ୍ରୀ ମୁସ୍ତଫା-ଅଲ୍ କଦିମି ମାର୍କେଟ୍ ଫେଡେରାଲ୍ ପୁଲିସ୍ ରେଜିମେଣ୍ଟର କମାଣ୍ଡରଙ୍କୁ ଗିରଫ କରିବାକୁ ନିର୍ଦ୍ଦେଶ ଦେଇଛନ୍ତି। ଚଳିତ ବର୍ଷ ତୃତୀୟ ଥର ପାଇଁ ମାର୍କେଟରେ ଏଭଳି ବିସ୍ଫୋରଣ ଘଟିଛି।
