(ଗଂଜାମ) : ଦିନକୁ ଦିନ ଜନବସତି ମୁହାଁ ହେଉଛନ୍ତି ବନ୍ୟଜନ୍ତୁ । ଏହିଭଳି ଏକ ଘଟଣା ଦେଖିବାକୁ ମିଳିଛି ଗଞ୍ଜାମ ଜିଲ୍ଲା ସାନଖେମୁଣ୍ଡି ବ୍ଲକ୍ ସାହସପୁର ଗ୍ରାମରେ । ପାଗଳ ବିଲୁଆ କାମୁଡ଼ାରେ ୬ ମହିଳା ଓ ଜଣେ ପୁରୁଷ ଆହତ ହୋଇଥିବା ଜଣାପଡ଼ିଛି। ଏହାସହ ବିଲୁଆଟି ଦୁଇଟି କୁକୁରକୁ ମଧ୍ୟ କାମୁଡି ଦେଇଥିବା ବେଳେ ଏହି କୁକୁର ପ୍ରତି ମଧ୍ୟ ସତର୍କ ରହିବାକୁ ପରାମର୍ଶ ଦିଆଯାଇଛି। ଖବର ପାଇ ପାଟପୁର ଫରେଷ୍ଟର ଓ ଦିଗପହଣ୍ଡି ରେଞ୍ଜର୍ଙ୍କ ସମେତ ୩ ଜଣ କର୍ମଚାରୀ ଘଟଣାସ୍ଥଳରେ ପହଞ୍ଚି ଅନୁଧ୍ୟାନ କରିଛନ୍ତି ।
ସୂଚନାନୁଯାୟୀ , ପାଗଳ ବିଲୁଆ ଆତଙ୍କରେ ସାହସପୁର, ତିତିଖଣ୍ଡି, ହାଟପଦା ଅଂଚଳରେ ଲୋକେ ଭୟଭୀତ ହୋଇଛନ୍ତି। ଆହତଙ୍କ ମଧ୍ୟରେ ମନୁ ନାୟକ, ଜୟନ୍ତୀ ସେଠୀ , ଏନ୍.ଲକ୍ଷ୍ମୀଆମା , ଏନ୍. ଗାୟତ୍ରୀ ପାତ୍ର , ଭାସିନୀ ବେହେରା , କେ.ଦମୟନ୍ତୀ ଦୋରା , ନରହରି ସ୍ୱାଇଁ। ସମସ୍ତ ଆହତଙ୍କୁ ପ୍ରଥମେ ଦିଗପହଣ୍ଡି ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରରେ ଚିକିତ୍ସା କରାଯାଇଥିଲା। ସେମାନଙ୍କ ମଧ୍ୟରୁ ୪ ଜଣ ଗୁରୁତର ଥିବାରୁ ବ୍ରହ୍ମପୁର ବଡ଼ ମେଡିକାଲକୁ ସ୍ଥାନାନ୍ତର କରାଯାଇଛି।
