ଗିରଫ ହେଲା ଅନ୍ତଃସତ୍ତ୍ୱା ଛାତ୍ରୀଙ୍କ ଅଭିଯୁକ୍ତ

(ପ୍ରିୟଦର୍ଶନୀ ସ୍ୱାଈଁ/ମହାଭାରତ): ଗୋଟିଏ ପଟେ ହାଇଦ୍ରାବାଦର ୪ଦୁଷ୍କମକାରୀଙ୍କୁ ଏନକାଉଣ୍ଟର ଘଟଣା ଦେଶରେ ଚାଞ୍ଚଲ୍ୟ ସୃ୍ଷ୍ଟି କରିଛି । ରାଜ୍ୟରେ ଏହାକୁ ନେଇ ରାଜ୍ୟବାସୀ ଉତ୍ସାହିତ ଅଛନ୍ତି । କିନ୍ତୁ ଏହାରି ଭିତରେ ରାଜ୍ୟରେ ଆସିଛି ଏକ ଏପରି ଲଜ୍ଜ୍ୟାଜନକ ଘଟଣା ଯାହା ଅତ୍ୟନ୍ତ ନିନ୍ଦନୀୟ । ଜୟପୁର ବାମ୍ଫୁଣୀ ଠାରେ ଥିବା ସେବାଶ୍ରମର ଜଣେ ଅଷ୍ଟମ ଶ୍ରେଣୀର ଛାତ୍ରୀ ଅନ୍ତଃସତ୍ତ୍ୱା ହେବା ଘଟଣା ଥାନାରେ ଅଭିଯୋଗ ହୋଇଥିଲା । ତେବେ ପୋଲିସ ଆଜି ଏହାର ମୁଖ୍ୟ ଅଭିଯୁକ୍ତକୁ ଗିରଫ କରିଛି । ଅଭିଯୁକ୍ତ ଜଣକ ହେଉଛି ସେବାଶ୍ରମର ପ୍ରଧାନ ଶିକ୍ଷୟତ୍ରୀଙ୍କ ସ୍ୱାମୀ ରାଜେନ୍ଦ୍ର ରଥ(୬୦) । ପୋଲିସ ଗତକାଲି ତାଙ୍କୁ ଗିରଫ କରିଥିଲା ଓ ଆଜି ତାଙ୍କୁ କୋର୍ଟ ଚାଲାଣ କରାଯାଇଛି।
ସୁଚନରନୁଯାୟୀ,ଗତ ଖରାଛୁଟିରେ ସେ ଛାତ୍ରୀଙ୍କୁ ନେଇ ପ୍ରଧାନ ଶିକ୍ଷୟିତ୍ରୀ ଘରେ ରଖିଥିଲେ। ତାଙ୍କ ଘରେ ଥିବା ସମୟରେ ରାଜେନ୍ଦ୍ର ତାଙ୍କ ସହ ୬ ଥର ଦୈହିକ ସମ୍ପର୍କ ରଖିଥିବା କଥା ପୁଲିସ ନିକଟରେ ସ୍ୱୀକାର କରିଛନ୍ତି। ଏହାଛଡ଼ା ସ୍କୁଲ ପରିସରରେ ମଧ୍ୟ ଅବସର ପ୍ରାପ୍ତ ଶିକ୍ଷକ ରାଜେନ୍ଦ୍ର ତାଙ୍କ ସହ ଦେିହିକ ସମ୍ପର୍କ ସ୍ଥାପନ କରିଥିବା କଥା ସ୍ୱୀକାର କରିଛନ୍ତି।