ପୋଲିସ ଜାଲରେ ବାଇକ୍ ଲୁଟେରା

(ମହାଭାରତ, ବଲାଙ୍ଗୀର): ବଲାଙ୍ଗୀର ପୋଲିସ ଏକ ବାଇକ ଲୁଟେରା ଗ୍ୟାଙ୍ଗର ଦୁଇ ଜଣ ସଦସ୍ୟଙ୍କୁ ଗିରଫ କରିଛି । ତା ସହ ଚୋରା ବାଇକ୍ କିଣୁଥିବା ଅଭିଯୋଗରେ ପୋଲିସ ଆଉ ଜଣଙ୍କୁ ଗିରଫ କରିଛି । ସେମାନଙ୍କ ଠାରୁ ଦୁଇଟି ଚୋରା ବାଇକ୍ ଜବତ କରାଯାଇଛି । ସୂଚନା ଅନୁସାରେ, ଗତ ନଭେମ୍ବର ୧୪ ତାରିଖରେ ବଲାଙ୍ଗୀର ସିଡିଏମଓ ଅଫିସ ସମ୍ମୁଖରୁ ପ୍ୟାଲେସଲାଇନ ପଡାର ପ୍ରେମାନନ୍ଦ ସାହୁଙ୍କ ବାଇକ ଚୋରି ହୋଇଥିଲା । ଏନେଇ ସେ ଥାନାରେ ଅଭଯୋଗ କରିଥିଲେ । ଏହାପରେ ଟାଉନ ଥାନା ପୋଲିସର ସ୍ୱତନ୍ତ୍ର ସ୍କ୍ୱାର୍ଡ ଘଟଣାର ତଦନ୍ତ କରି ଗତକାଲି ପାଟଣାଗଡର ଦୁଇ ବାଇକ୍ ଲୁଟେରାଙ୍କୁ ଗିରଫ କରିଛି । ସେମାନଙ୍କ ମଧ୍ୟରୁ ଜଣକ ନିକଟରୁ ଚୋରା ବାଇକ ଜବତ ହୋଇଛି । ସେହିପରି ଚୋରା ବାଇକ୍ କିଣୁଥିବା ଅଭିଯୋଗରେ ଲରମ୍ଭା ଗାଁର ଜଣେ ଯୁବକଙ୍କୁ ମଧ୍ୟ ପୋଲିସ ଗିରଫ କରିଛି । ତା ଠାରୁ ମଧ୍ୟ ଏକ ବାଇକ୍ ଜବତ ହୋଇଛି । ଏହି ଲୁଟେରା ମାନେ ଅନେକ ବାଇକ ଚୋରି ଘଟଣାରେ ସମ୍ପୃକ୍ତ ଥିବା ପୋଲିସ ଜାଣିବାକୁ ପାଇଛି । ଗିରଫ ହୋଇଥିବା ବାଇକ୍ ଚୋରମାନଙ୍କୁ ରିମାଣ୍ଡରେ ଆଣି ଅଧିକ ତଦନ୍ତ କରାଯିବ ବୋଲି ବଲାଙ୍ଗୀର ଏସଡିପିଓ କହିଛନ୍ତି ।