ଶ୍ରୀନଗର: ଆଜି ଶ୍ରୀନଗରର ପରିମ ପୋରାଠାରେ ଥିବା ସେନା ଚକେ ପୋଷ୍ଟ ଉପରେ ଆତଙ୍କବାଦୀ ଆକ୍ରମଣରେ ଜଣେ ସିଆରପିଏଫ ଜବାନ ସହିଦ ହୋଇଥିବା ବେଳେ ୨ ଆତଙ୍କବାଦୀ ନିହତ ହୋଇଛନ୍ତି ଓ ଜଣେ ଆତଙ୍କୀ ଗିରଫ ହୋଇଛି ।
ସୂଚନାଅନୁଯାୟୀ, ସିଆରପିଏଫର ୭୩ ବାଟାଲିୟନ ଉପରେ ହଠାତ୍ କିଛି ଅଜ୍ଞାତ ଆତଙ୍କବାଦୀ ଗୁଳି ବର୍ଷା କରିଥିଲେ । ଏହା ପରେ ସିଆରପିଏଫ ପକ୍ଷରୁ ତୁରନ୍ଦ ଏହାକୁ ପ୍ରତିରୋଧ କରାଯିବା ସହ ପାଲଟା ଆକ୍ରମଣ କରାଯାଇଥିଲା । ସିଆରପିଏଫ ଗୁଳିରେ ୨ ଆତଙ୍କବାଦୀ ମୃତ୍ୟୁବରଣ କରିଥିବା ବେଳେ ଜଣକୁ ଗୁରୁତର ଅବସ୍ଥାରେ ଗିରଫ କରାଯାଇଛି । ଅପରପକ୍ଷରେ ଆତଙ୍କବାଦୀଙ୍କ ଗୁଳି ସିଆରପିଏଫର କନେଷ୍ଟବଳ ରମେଶ ରଞ୍ଜନ (୩୦)ଙ୍କ ମୁଣ୍ଡରେ ବାଜିବାରୁ ତାଙ୍କର ମୃତ୍ୟୁ ହୋଇଛି । ସିଆରପିଏଫ ଆତଙ୍କବାଦୀଙ୍କ ନିକଟରୁ ବହୁ ପରିମାଣର ଅସ୍ତ୍ରଶସ୍ତ୍ର, ଆପତ୍ତିଜନକ ସାମଗ୍ରୀ ଜବତ କରିଛି । ମୃତ ଆତଙ୍କବାଦୀଙ୍କ ଚିହ୍ନଟ କରାଯାଇଛି ।
ଆଜି ପୂର୍ବାହ୍ନରେ ଶ୍ରୀନଗରର ଲୱାନପୋରା ଅଞ୍ଚଳରେ ହଠାତ ଗୁଳି ଶବ୍ଦ ଶୁଣିବାକୁ ମଳିଥିଲା । ସେହିପରି ରବିବାର ଦିନ ଶ୍ରୀନଗରର ଲାଲ ଚୌକ ନିକଟରେ ଗ୍ରେନାଇଡ ମାଡରେ ଦୁଇ ସୁରକ୍ଷା କର୍ମୀଙ୍କ ସମେତ ୪ ଜଣ ଗୁରୁତର ଆହତ ହେଇଥିଲେ । ସେହି ଅଞ୍ଚଳରେ ନିୟୋଜିତ ସିଆରପିଏଫର ସି-୧୭୧ ବାଟାଲିଆନ ଉପରେ ଗେନାଇଡ ମାଡ କରାଯାଇଥିଲା ।
