ଭୁବନେଶ୍ୱର: ସୁପ୍ରିମକୋର୍ଟ ମୁଖ୍ୟ ବିଚାରପତି ଏସ୍.ଏ ବୋବଡେଙ୍କ ପ୍ରତି ସୋଶିଆଲ ମିଡିଆରେ ଖରାପ ମନ୍ତବ୍ୟ ଦେଇ ଅଡୁଆରେ ଜଣେ ଓଡିଆ ଯୁବକ । ରଥଯାତ୍ରାକୁ ନେଇ ସୁପ୍ରିମକୋର୍ଟ ଦେଇଥିବା ରାୟ ଉପରେ ସେ ପ୍ରଧାନବିଚାରପତିଙ୍କ ଉଦ୍ଦେଶ୍ୟରେ ଏକ ପୋଷ୍ଟ କରିଥିଲେ, ଯେଉଁଥିରେ ଯୁବକ ପ୍ରଧାନବିଚାରପତିଙ୍କ ପ୍ରତି ଖରାପ ଶବ୍ଦ ବ୍ୟବହାର କରିଥିଲା । ଏହା ପରେ ତାଙ୍କୁ ଓଡିଶା କ୍ରାଇମବ୍ରାଞ୍ଚ ଦିଲ୍ଲୀରୁ ଗିରଫ କରିଛି । ଦିଲ୍ଲୀରୁ ଆଣି ବାଲେଶ୍ୱର ପୁଲିସକୁ ହସ୍ତାନ୍ତର କରିଛି ପୁଲିସ। ସେହି ଯୁବକ ଦାରା ସେନାର ଜଣେ ସଦସ୍ୟ ବୋଲି ଜଣାପଡ଼ିଛି। ଏବେ ସହଦେବଖୁଣ୍ଟା ଥାନାରେ ତାଙ୍କୁ ପୁଲିସ ଜେରା କରୁଛି।
ମୁଖ୍ୟବିଚାରପତିଙ୍କ ଉଦ୍ଦେଶ୍ୟରେ ଖରାପ ମନ୍ତବ୍ୟ ଦେଇ ଜଣେ ଗିରଫ
