ପାଣ୍ଡାମିକ କାଳରେ ସ୍ୱାସ୍ଥ୍ୟ ସେବା କ୍ଷେତ୍ରରେ ଦେଖାଦେଇଛି ବହୁ ସମସ୍ୟା: ସର୍ଭେ

ଭୁବନେଶ୍ୱର: ଖୋର୍ଦ୍ଧା ଜିଲ୍ଲାରେ କୋଭିଡ ମହାମାରୀ କାଳରେ ଯେଉଁମାନେ ଏକାଧିକ ଅଣ ସଂକ୍ରାମକ ସାଂଘାତିର ରୋଗ (ଏନସିଡି)ରେ ଆକ୍ରାନ୍ତ ସେମାନେ ବହୁ ସମସ୍ୟା ଭୋଗିଛନ୍ତି ବୋଲି ହୋଇଥିବା ଏକ ସର୍ଭେରୁ ଜଣାପଡିଛି । ନନ୍-କମୁନିକେବୁଲ ଡିଜିଜେସ କେୟାର ନାମରେ ସର୍ଭେ କରାଯାଇଛି ଖୋର୍ଦ୍ଧା ଜିଲ୍ଲାରେ । ଏନସିଡି ସମ୍ବନ୍ଧିତ ଚିକିତ୍ସା କ୍ଷେତ୍ରରେ ପାଣ୍ଡାମିକ ସମୟରେ ଲୋକେ ବହୁ ଅସୁବିଧା ଭୋଗ କରିଥିବା ସର୍ଭେରୁ ଜଣାପଡିଛି ।
ପାଣ୍ଡାମିକ କାଳରେ ଏନସିଡିରେ ଆକ୍ରାନ୍ତ ରୋଗୀଙ୍କ ଡାଇଗନୋସିସ, ଡାକ୍ତରୀ ପରାମର୍ଶ, ଯାତାୟାତ, ଅର୍ଥାଭାବ, ବାଧ୍ୟତାମୂଳକ ଏକାନ୍ତବାସ, ସାମାଜିକ ଦୂରତା ଓ କୋଭିଡ ସଂକ୍ରମଣ ପାଇଁ ହସ୍ପିଟାଲ ଯିବାରେ ସମସ୍ୟା ଦେଖା ଦେଇଥିଲା । ଅଧ୍ୟୟନରେ ମୋଟ ୪୯୧ ଜଣ ଭାଗ ନେଇଥିଲେ । ଖେ।।ର୍ଦ୍ଧାରେ ମେ-ଜୁନ ୨୦୨୦ ମଧ୍ୟରେ ମୁଖ୍ୟତଃ ତିନୋଟି ଅନୁଷ୍ଠାନ- ରିଜୋନାଲ ରିସୋର୍ସ ହବ, ହେଲ୍ଥ ଟେକନୋଲୋଜି ଆସେସମେଣ୍ଟ ଇନ ଇଣ୍ଡିଅ।।, ଆଇସିଏମଆର ରିଜିଓନାଲ ମେଡିକାଲ ସିର୍ଚ୍ଚ ସେଣ୍ଟର ଭୁବନେଶ୍ୱର ଓ କଳିଙ୍ଗ ହସ୍ପିଟାଲକୁ ନେଇ ଅଧ୍ୟୟନ କରାଯାଇଥିଲା ।
ଅଧ୍ୟୟନକାରୀଙ୍କ ଅନୁଯାୟୀ, ମହାମାରୀ କାଳରେ ଡାଗନୋଷ୍ଟିକ ସେବାରେ ୧୮୭,୩୮ ପ୍ରତିଶତ ସମସ୍ୟ ଦେଖା ଦେଇଥିଲା, ଯେତେବେଳେ କି ୯୩,୧୯ପ୍ରତିଶତ ସମସ୍ୟା ଡାକ୍ତରଙ୍କ ପରାମର୍ଶ ପାଇବା କ୍ଷେତ୍ରରେ ଦେଖା ଦେଇଥିଲା । ସେହିପରି ୧୫ ପ୍ରତିଶତ ଏନସିଡି ରୋଗୀ ଜରୁରୀ କାଳୀନ ସେବା ପାଇବାରେ ଅସୁବିଧା ଭୋଗିଥିବା ବେଳେ ୧୪ ପ୍ରତିଶତ ଅନ୍ୟାନ୍ୟ ସମସ୍ୟାର ସମ୍ମୁଖୀନ ହୋଇଛନ୍ତି । ଅନ୍ୟପଟେ ସଂକ୍ରମଣ ଭୟ ଥିବାରୁ ହସ୍ପିଟାଲ ଯିବାକୁ ତଥା ହସ୍ପିଟାଲ ଯାଉଥିଲେ ମଧ୍ୟ ଡାକ୍ତରଙ୍କ ସାକ୍ଷାତ ପାଇବା ସହଜ ନଥିଲା ।
ଏହି ଅଧ୍ୟୟନରେ ଏହି ନିର୍ଯାସ ବାହାରିଛି କି, ମହାମାରୀ କାଳରେ ଏନସିଡି ଚିକିତ୍ସା ପରିଚାଳନା ପାଇଁ ଏକ ଡାକ୍ତର-ଫାର୍ମାସୀ ରୋଗୀଙ୍କ ମଧ୍ୟରେ ସମନ୍ୱୟଗତ ପରିଚାଳନା ଗୁରୁତ୍ୱପୂର୍ଣ୍ଣ ।