୩ ଆତଙ୍କୀ ପୁଣି ଢେର

ଶ୍ରୀନଗର: ଜମ୍ମୁ କଶ୍ମୀରରେ ପୁଣି ସୁରକ୍ଷାକର୍ମୀଙ୍କୁ ମିଳଛି ବଡ ସଫଳତା । ସୋପରରେ ଚାଲିଥିବା ମାଓ ଏନକାଉଣ୍ଟରରେ ପୁଣି ୩ ଜଣଙ୍କୁ ଢେର କରିଛି ସୁରକ୍ଷାକର୍ମୀ । ଏହି ୩ ଜଣଙ୍କ ସହ ସୁରକ୍ଷାକର୍ମୀ ଚଳିତ ବର୍ଷ ମୋଟ ୧୦୦ ଜଣ ଆତଙ୍କୀଙ୍କ ମୁଣ୍ଡ ଗଡାଇଛନ୍ତି । ଏ ନେଇ ପୋଲିସ ପକ୍ଷରୁ ସୂଚନା ଦିଆଯାଇଛି ।
ସୋପରର ଗୋଟିଏ ଗାଁରେ କିଛି ଆତଙ୍କୀ ଲୁଚି ରହିଥିବା ଖବର ପାଇବା ପରେ ଆରମ୍ଭ ହୋଇଥିଲା ସିଆରଏଫ, ଆର୍ମି ଏବଂ ପୋଲିସର ଏକ ମିଳିତ ଅପରେସନ । ସାରା ଅଞ୍ଚଳକୁ କର୍ଡନ କରିବାକୁ ଉଦ୍ୟମ କରୁଥିବା ବେଳେ ହଠାତ ଗୁଳି ଚଳାଇବା ଆରମ୍ଭ କରିଥିଲେ ଆତଙ୍କୀ । ତେବେ ଏହାର ଉଚିତ ଜବାବ ମଧ୍ୟ ଦେଇଥିଲା ସୁରକ୍ଷା ବାହିନୀ । ଦୀର୍ଘ ସମୟ ଧରି ଚାଳିଥିବା ଗୁଳି ବିନିମୟରେ ଶେଷରେ ୩ ଜଣ ଆତଙ୍କୀ ଏନକାଉଣ୍ଟରରେ ନିହତ ହୋଇଥିବା ସୂଚନା ମିଳିଛି । ଅପରେସନ ବେଳେ ଆତଙ୍କୀମାନେ ଲୁଚି ରହିଥିବା ଘରକୁ ସଂପୂର୍ଣ୍ଣ ଭାବେ ଧ୍ୱଂସ କରିଦିଆଯାଇଛି। ଏହି ଘର ପାଖରେ ଥିବା ଆଉ ଗୋଟିଏ ବିଲଡିଂ ମଧ୍ୟ କ୍ଷତିଗ୍ରସ୍ତ ହୋଇଛି।