ରାଉରକେଲା: କେତେକ ରାଜ୍ୟରେ କରୋନା ସଂକ୍ରମଣ ବୃଦ୍ଧି ପାଉଥିବାରୁ ଓ ଏଥିରେ ଅଧିକ ସଂଖ୍ୟକ ଶିଶୁ ଆକ୍ରାନ୍ତ ହେଉଥିବାରୁ ଆମ ରାଜ୍ୟ ସରକାର ସେରୋସର୍ଭେ ଆରମ୍ଭ କରି ଦେଇଛନ୍ତି । ସୋମବାର ରାଉରକେଲାରେ ସେରୋ ସର୍ଭେ ହୋଇଛି। ଭୁବନେଶ୍ୱର ଆର୍ଏମ୍ଆର୍ସି ସଦସ୍ୟ ମାତୃଜ୍ୟୋତି ପଟ୍ଟନାୟକଙ୍କ ନେତୃତ୍ୱରେ ୪ ଜଣିଆ ଟିମ୍ ରାଉରକେଲା ଯାଇଥିଲା । ରାଉରକେଲାର ତିନିଟି ସ୍ଥାନରେ ଏହି ସର୍ଭେ କରାଯାଇଛି। ଏହି ସର୍ଭେରେ ମୁଖ୍ୟତଃ ୬ ବର୍ଷରୁ ୧୭ ବର୍ଷର ପିଲାଙ୍କୁ ଫୋକସ୍ କରାଯାଇଛି।
ରିଜର୍ଭ ପୁଲିସ ହସ୍ପିଟାଲ୍, ବାସନ୍ତି କଲୋନୀ, ସହରାଞ୍ଚଳ ହସ୍ପିଟାଲ୍ ଓ ଉଦିତ ନଗର ସ୍ଥିତ ସହରାଞ୍ଚଳ ହସ୍ପିଟାଲ୍ରେ ନମୂନା ସଂଗ୍ରହ କରାଯାଇଥିଲା । ପ୍ରତି କେନ୍ଦ୍ରରୁ ୪୦ ଜଣଙ୍କଠାରୁ ନମୂନା ସଂଗ୍ରହ ହୋଇଥିବା ବେଳେ ୬ରୁ ୧୭ ବର୍ଷର ବର୍ଗର ୧୨ ଜଣ ପିଲା ରହିଛନ୍ତି। ଲୋକମାନେ ଶୃଙ୍ଖଳିତ ଭାବେ କୋଭିଡ୍ ଗାଇଡ୍ଲାଇନ୍ ମାନି କେନ୍ଦ୍ରକୁ ଆସିଥିଲେ।
