ବନ୍ୟା ଜଳରେ ଭାସୁଛି ବିମାନ

ନୂଆଦିଲ୍ଲୀ: ବର୍ଷାରେ ବେହାଲ ଜାତୀୟ ରାଜଧାନୀ । ସବୁଆଡେ ବନ୍ୟା ପରିସ୍ଥିତି । ଚାରିଆଡେ ପାଣି । ଦିଲ୍ଲୀ ବିମାନ ବନ୍ଦର ଭିତରେ ବନ୍ୟା। ଗତକାଲି ରାତିରେ ଦିଲ୍ଲୀରେ ରେକଡ ତୋଡ ବର୍ଷା ରେକର୍ଡ ହୋଇଛି । ୨୦୦୩ ପରେ ଦିଲ୍ଲୀରେ ସର୍ବାଧିକ ବର୍ଷା ରେକର୍ଡ କରାଯାଇଛି। ଗତ ୨୪ ଘଣ୍ଟା ମଧ୍ୟରେ ୯୭ ମିଲିମିଟର ବର୍ଷା ହୋଇଛି। ଅଧିକାଂଶ ଅଞ୍ଚଳ ରେ ଭରିଯାଇଛି ପାଣି । ଇନ୍ଦିରାଗାନ୍ଧୀ ଆନ୍ତର୍ଜାତୀୟ ବିମାନ ବନ୍ଦର ଟର୍ମିନାଲ-୩ରେ ପାଣି ଲହଡି ଭାଙ୍ଗୁଛି। ରନୱେରେ ପାଣି ଭର୍ତ୍ତି ହେବାରୁ ଲାଗୁଛି ବିମାନଗୁଡିକ ପାଣିରେ ଭାସୁଛି । ମେଟ୍ରୋ ଷ୍ଟେସନରେ ମଧ୍ୟ ପାଣି ପଶିଛି। ଲଗାଣ ବର୍ଷାରେ ଦ୍ୱାରକା ମେଟ୍ରୋ ଷ୍ଟେସନ ପାଚେରୀ ଭାଙ୍ଗି ଯାଇଛି।
ସେପଟେ ଦିଲ୍ଲୀ ଜଖିରା ଅଣ୍ଡରପାସ୍ରେ ୧୦ ଫୁଟ୍ ଯାଏଁ ପାଣି ଭର୍ତ୍ତି ହୋଇଛି। ଗାଡି ମଟର ଚଳାଚଳ ବାଧାପ୍ରାପ୍ତ ହୋଇଛି। ଦିଲ୍ଲୀ-ଏନ୍ସିଆର୍ ସମେତ କିଛି ଅଞ୍ଚଳରେ ସାମାନ୍ୟରୁ ମଧ୍ୟମ ଧରଣର ବର୍ଷା ହୋଇପାରେ ବୋଲି ପାଣିପାଗ ବିଭାଗ ସୂଚନା ଦେଇଛି। ଏବେ ଦିଲ୍ଲୀ ଏନ୍ସିଆର୍ ପାଇଁ ଭାରତୀୟ ପାଣିପାଗ ବିଭାଗ ୟେଲୋ ୱାର୍ଣ୍ଣିଂ ଜାରି କରିଛି।