ରାଉରକେଲା : ଅବସରପ୍ରାପ୍ତ ପୋଲିସ ଅଫିସରସ୍ କଲ୍ୟାଣ ଆସୋସିଏସନ, ରାଉରକେଲା ତରଫରୁ କଳିଙ୍ଗବିହାର ସ୍ଥିତ ନୀଳକଣ୍ଠେଶ୍ଵର ମନ୍ଦିର ପ୍ରାଙ୍ଗଣରେ ଏହାର ଚତୁର୍ଥ ବାର୍ଷିକ ସାଧାରଣ ସଭା ସହ ଏକ ସ୍ୱାସ୍ଥ୍ୟ ଶିବିରର ଆୟୋଜନ କରାଯାଇଥିଲା । ପିଟରଲାର୍କ ଫାଉଣ୍ଡେସନର ମିଳିତ ଆନୁକୂଲ୍ୟରେ ଏହି ସ୍ୱାସ୍ଥ୍ୟ ଶିବିରକୁ ଆସୋସିଏସନର ସଭାପତି ଶ୍ରୀ ବିଶ୍ଵମୋହନ ପଟ୍ଟନାୟକ, ହାଇଟେକ ମେଡିକାଲ କଲେଜର ଡ଼କ୍ଟର ଶ୍ରଦ୍ଧାନନ୍ଦ ମହାପାତ୍ର,ପ୍ରଫେସର ଶଙ୍କର ତ୍ରିପାଠୀ, ବାସନ୍ତୀ ପାଠାଗାରର ସମ୍ପାଦକ ଶ୍ରୀ ପ୍ରତାପ ରାୟ, ସ୍ୱସ୍ତିର ସମ୍ପାଦକ ଶ୍ରୀ ଅଶୋକ ପଟ୍ଟନାୟକ, ପିଟରଲାର୍କ ଫାଉଣ୍ଡେସନର ଚେୟାରମେନ ଡ଼କ୍ଟର ଅଭିଷେକ ରାଉତରାୟ ମିଳିତ ଭାବରେ ଉଦଘାଟନ କରିଥିଲେ । ଏହି ଶିବିରକୁ ଶ୍ରୀ ବିକାଶ ବାନାର୍ଜୀ ପରିଚାଳନା କରିଥିଲା ବେଳେ ବରିଷ୍ଠ ଡ଼କ୍ଟର ପ୍ରଦୀପ କୁମାର କର,ଡ଼କ୍ଟର ଚିନ୍ମୟ ସାହୁ, ଡ଼କ୍ଟର ସାହୁ,ଡ଼କ୍ଟର କ୍ଷିତୀଶ ପଟ୍ଟନାୟକ,ଡ଼କ୍ଟର ସୁଧାଂଶୁଵାଲା ମାଝୀ, ଡ଼କ୍ଟର ଶୁଭେନ୍ଦୁ କର ଯୋଗ ଦେଇ ସ୍ଥାନୀୟ ଲୋକ ମାନଙ୍କର ସ୍ୱାସ୍ଥ୍ୟ ପରୀକ୍ଷା କରିଥିଲେ । ଏହା ସହିତ ଆସୋସିଏସନର ଚତୁର୍ଥ ବାର୍ଷିକ ଅଧିବେଶନକୁ ସଭାପତି ଶ୍ରୀ ବିଶ୍ଵମୋହନ ପଟ୍ଟନାୟକ, ଉପଦେଷ୍ଟା ଶତ୍ରୁଘ୍ନ ପରିଡା, ଉପଦେଷ୍ଟା ଇଗ୍ନେଶ ହାଁସଦା, ଉପଦେଷ୍ଟା ନମିତା ରାୟ,ଉପ ସଭାପତି ରଂଜିତ କୁମାର ଭୋଇ ଦୀପ ପ୍ରଜ୍ବଳନ କରି ଶୁଭାରମ୍ଭ କରିଥିଲେ ।
ଦିବଂଗତ ସଦସ୍ୟ ପ୍ରସନ୍ନ କୁମାର ମହାନ୍ତି, କାର୍ତିକ ଚନ୍ଦ୍ର ସ୍ୱାଇଁ, ପଦ୍ମନାଭ କର, ବ୍ରଜମୋହନ ପରିଡା, ବୈଲୋଚନ ଦାସଙ୍କ ପାଇଁ ଶୋକ ପ୍ରସ୍ତାବ ଆଗତ କରି ଆତ୍ମାର ସଦଗତି ପାଇଁ ନୀରବ ପ୍ରାର୍ଥନା କରାଯାଇଥିଲା । ସଭାରେ ସଭାପତି ଅଧ୍ୟକ୍ଷତା କରିଥିଲା ବେଳେ ସାଧାରଣ ସମ୍ପାଦକ ଡ଼କ୍ଟର ସୁମନ ଦତ୍ତ ସଭାକୁ ସଂଚାଳନ କରିଥିଲେ କ୍ଷ ଶ୍ରୀମତୀ ରୀନା ରାଣୀ ଦେଶାତ୍ମବୋଧକ ସଂଗୀତ ଗାନ କରିଥିଲେ । ପୋଲିସ ପରିବାରର ବିଭିନ୍ନ କ୍ଷେତ୍ରରେ କୃତିତ୍ୱ ଅର୍ଜନ କରିଥିବା ଫୁଟବଲରେ କୁମାରୀ ହେମା ଖେସ, ହକିରେ ଅମ୍ରିତା ଖାଖା, କରାଟେରେ ଶ୍ରୀ ଅଭିଷେକ ପଟ୍ଟନାୟକ ଓ ଓଡିଶାଶ୍ରୀ ସମ୍ମାନରେ ସମ୍ମାନିତ ଅସୀତ କୁମାର ସାମଲଙ୍କୁ ଆସୋସିଏସନ ତରଫରୁ ସମ୍ମାନିତ କରାଯାଇଥିଲା ।
ସ୍ୱାସ୍ଥ୍ୟ ସମ୍ପର୍କୀୟ ସମସ୍ୟାର ସମାଧାନ ପାଇଁ ସାଇ ଏଣ୍ଟେରପ୍ରକ୍ଷଇଜେସର ଶ୍ରୀମତୀ ସୁଲତା ପତି, ଆର୍ଥିକ ସମସ୍ୟାର ସମାଧାନ ପାଇଁ ଇଂ ନଳିନୀକାନ୍ତ ଧର,ବରିଷ୍ଠ ନାଗରିକ ମାନଙ୍କ ପାଇଁ ହେଲ୍ପଲାଇନର ଶ୍ରୀ ବାସୁଦେବ ଦାସ ବିସ୍ତୃତ ଆଲୋଚନା ସହିତ ଏହାର ଲାଭ ନେବା ପାଇଁ ଅନୁରୋଧ କରିଥିଲେ । ଇସ୍ପାତ ସାହିତ୍ୟ ସଂସଦର ସଭାପତି ନୃସିଂହ ଚରଣ ବିଶ୍ୱାଳ, ସ୍ବସ୍ତି ସାହିତ୍ୟ ସଂସଦର ସମ୍ପାଦକ ଶ୍ରୀ ରାଜକୁମାର ମହାନ୍ତି ଆସୋସିଏସନର ବିଭିନ୍ନ ଲୋକାଭିମୁଖୀ କାର୍ୟ୍ୟକ୍ରମର ଭୁୟସୀ ପ୍ରଶଂସା କରିବା ସହ କବିତା ପାଠ କରିଥିଲେ । ବରିଷ୍ଠ ଉପଦେଷ୍ଟା ଶତ୍ରୁଘ୍ନ ପରିଡା, ଇଗ୍ନେଶ ହାଁସଦା, ତ୍ରିଲୋଚନ ମିଶ୍ର, ନମିତା ରାୟ ଓ ଅନ୍ୟମାନେ ଆସୋସିଏସନ ଏକ ସ୍ଥାୟୀ ଘର ଓ ସଦସ୍ୟ ମାନଙ୍କର ଏକତା ଉପରେ ଗୁରୁତ୍ୱାରୋପ କରିବା ସହ ବର୍ତମାନର କମିଟି ଆଗାମୀ ବର୍ଷ ମଧ୍ୟ କାମ କରିବେ । ସାଧାରଣ ସମ୍ପାଦକ ଡ଼କ୍ଟର ସୁମନ ଦତ୍ତଙ୍କ ଉଲ୍ଲେଖନୀୟ ସମାଜସେବା ପାଇଁ ସମ୍ମାନସୂଚକ ଡ଼କ୍ଟରେଟ ପାଇଥିବାରୁ ଆସୋସିଏସନ ତରଫରୁ ପୁଷ୍ପଗୁଚ୍ଛ, ଉତ୍ତରୀୟ ଦେଇ ସମ୍ମାନିତ କରାଗଲା । ଶେଷରେ ଉପସଭାପତି ଶ୍ରୀ ଯଦୁମଣି ପ୍ରଧାନ ସମସ୍ତଙ୍କୁ ଧନ୍ୟବାଦ ଅର୍ପଣ କରିଥିଲେ ।
