(ଦିଲ୍ଲୀ) : ଦିନକୁ ଦିନ ବୃଦ୍ଧି ପାଉଛି ଭାରତରେ ଗ୍ରୀଷ୍ମ ପ୍ରବାହ । ଦେଶର ପିଶ୍ଚମ-ଉତ୍ତର ଓ ମଧ୍ୟ ଭାଗରେ ‘ଲୁ’ ପ୍ରଭାବରେ ଲୋକେ ଘରୁ ବାହାରୁ ନାହାନ୍ତି। ପଞ୍ଜାବ, ହରିଆଣା, ଦିଲ୍ଲୀ, ଉତ୍ତର ପ୍ରଦେଶ, ଉତ୍ତରାଖଣ୍ଡ, ହିମାଚଳ ପ୍ରଦେଶ, ବିହାର ଓ ଝାଡ଼ଖଣ୍ଡରେ ‘ଲୁ’ର ପ୍ରଭାବ ଆଗାମୀ ୩ ତିନି ଦିନ ଯାଏ ଲାଗି ରହିବ ବୋଲି ଭାରତୀୟ ପାଣିପାଗ ବିଭାଗ ପକ୍ଷରୁ ସୂଚନା ମିଳିଛି ।
ତେବେ ଉତ୍ତର ପ୍ରଦେଶରେ ଶନିବାର ବାନ୍ଦାରେ ୪୬.୨ ଡିଗ୍ରି ତାପମାତ୍ରା ସହ ଦେଶର ସର୍ବାଧିକ ଗରମ ଅଞ୍ଚଳ ରହିଛି । ପୂର୍ବ ମଧ୍ୟପ୍ରଦେଶ, ଛତିଶଗଡ଼ ଓ ଓଡ଼ିଶାରେ ଜୁନ ୧୨ ବେଳକୁ ମୌସୁମୀ ବର୍ଷା ଆରମ୍ଭ ହେବା ନେଇ ପୂର୍ବାନୁମାନ କରିଛି ଆଇଏମଡି। ହେଲେ ଉତ୍ତର ରାଜସ୍ଥାନ, ପଞ୍ଜାବ, ହରିଆଣା, ଦିଲ୍ଲୀ, ଉତ୍ତର ପ୍ରଦେଶ ଓ ଉତ୍ତର ମଧ୍ୟ ପ୍ରଦେଶରେ ଜୁନ ଯାଏ ତାରମାତ୍ରା ସାମାନ୍ୟ ଠାରୁ ଅଧିକ ରହିବ।
ସେହିଭଳି ରାଜଧାନୀ ଦିଲ୍ଲୀରେ ସର୍ବାଧିକ ତାପମାତ୍ରା ସାମାନ୍ୟ ତାପମାତ୍ରା ଠାରୁ ୪ ଡିଗ୍ରି ଉପରେ ୪୩.୮ ଡିଗ୍ରି ସେଲ୍ସିୟସ ରେକର୍ଡ କରାଯାଇଥିଲା। ସର୍ବନିମ୍ନ ତାପମାତ୍ରା ଦୁଇ ଡିଗ୍ରି ତଳେ ୨୯.୭ ଡିଗ୍ରି ସେସ୍ଲିୟସ ରହିଥିଲା। ଆଇଏମଡି ଅନୁସାରେ ଜୁନ ୧୬ ରେ ବିଜୁଳି ଘଡ଼ଘଡ଼ି ସହ ବର୍ଷା ହେବାର ସମ୍ଭାବନା ରହିଛି।
