ଭୁବନେଶ୍ୱର : ରସୁଲଗଡ଼ ଶିଳ୍ପାଞ୍ଚଳରେ ଇଡକୋ ପକ୍ଷରୁ ମିଳିଥିବା ପ୍ଲଟରେ ହୋଇଥିଲା ଜବରଦଖଲ | ଉକ୍ତ ପ୍ଲଟରେ ଏକାଧିକ ପରିବାର ଘର ନିର୍ମାଣ କରିବା ସହିତ କିଛି ଦୋକାନ ଘର ବି ରହିଥିଲା | ସେହି ଜମିକୁ ଜବରଦଖଲମୁକ୍ତ କରିବା ସହିତ ସମସ୍ତ ପରିବାରକୁ ସ୍ଥାନାନ୍ତରିତ କରିଛି ବିଡିଏ | ବୁଧବାର ବିଡିଏ ପକ୍ଷରୁ ରସୁଲଗଡ଼ ଶିଳ୍ପାଞ୍ଚଳରେ ଥିବା ପ୍ଲଟ ନମ୍ବର 24, 25 ଏବଂ 40ରେ ତିଆରି ହୋଇଥିଲା ବେଆଇନ ଘର |
ଏଠାରେ ରାଜୀବ ଆବାସ ଯୋଜନାରେ ଅନ୍ତର୍ଗତ 12ଟି ପରିବାରକୁ ସାମିଲ କରାଯାଇଥିଲା | ସେମାନଙ୍କୁ ନିଳାଦ୍ରୀ ବିହାରସ୍ଥିତ ଟ୍ରାଞ୍ଜିଟ ହାଉସକୁ ସ୍ଥାନାନ୍ତରଣ କରାଯାଇଛି | ଏଥିରେ 8ଟି ଆଜବେଷ୍ଟସ ଘର, 2ଟି ପଲିଥିନ ନିର୍ମିତ ଘର, ଗୋଟିଏ ସଂପ୍ରସାରଣ ଅଂଶ, ଗୋଟିଏ ଗାଡ଼ି ସର୍ଭିସିଂ ସେଣ୍ଟର ଭଙ୍ଗାଯାଇଥିଲା |
ଆଇନଶୃଙ୍ଖଳା ପରିସ୍ଥିତି ପାଇଁ ଏକ ପ୍ଲାଟୁନ ରିଜର୍ଭ ପୋଲିସ ସମେତ ଗୋଟିଏ ସେକ୍ସନ ମହିଳା ପୋଲିସ ମୁତୟନ କରାଯାଇଥିଲା | ଉଚ୍ଛେଦ ସମୟରେ ବଡିଏ ଏନଫୋର୍ସମେଣ୍ଟ ଅଫିସର ଦେବୀ ପ୍ରସାଦ ମହାନ୍ତି, ବିଡିଏ ଲିଆସନ ଅଫିସର ଶୁଭ୍ରାଂଶୁ ଶେଖର ମହାନ୍ତି ଏବଂ ଇଡକୋ ଜେଇ ସନ୍ତୋଷ ସାହୁ ପ୍ରମୁଖ ଉପସ୍ଥିତ ଥିଲେ |
