ଜାମ୍ମୁ-କାଶ୍ମୀରର ପୂର୍ବତନ ରାଜ୍ୟପାଳ ସତ୍ୟପାଲ ମଲିକଙ୍କୁ ସମନ ପଠାଇଲା ସିବିଆଇ

ମୁମ୍ବାଇ: ଜମ୍ମୁ-କଶ୍ମୀରର ପୂର୍ବତନ ରାଜ୍ୟପାଳଙ୍କୁ ସମନ ପଠାଇଲା ସିବିଆଇ । ଦୁର୍ନୀତି ମାମଲାରେ ଜମ୍ମୁ-କଶ୍ମୀରର ପୂର୍ବତନ ରାଜ୍ୟପାଳ ସତ୍ୟପାଲ ମଲିକଙ୍କୁ ସିବିଆଇ ମୌଖିକ ସମନ ପଠାଇଛି। ତାଙ୍କୁ ୨୭ ଏବଂ ୨୮ ଏପ୍ରିଲରେ ହାଜର ହେବାକୁ ଏଜେନ୍ସି ପକ୍ଷରୁ କୁହାଯାଇଛି। ଏ ସମ୍ପର୍କରେ ସିବିଆଇ ଏପର୍ୟ୍ୟନ୍ତ ନିଶ୍ଚିତ କରିନାହିଁ। ଜାମ୍ମୁ କାଶ୍ମୀରରେ ଦୁଇଟି ପ୍ରକଳ୍ପରେ ଅନିୟମିତତା ସମ୍ପର୍କରେ ଏଜେନ୍ସି ଏକ ମାମଲା ରୁଜୁ କରିଥିଲା। ଏହି ମାମଲାରେ ସିବିଆଇ ତାଙ୍କୁ ଡାକିଛି। ଦୁଇଟି ଫାଇଲରେ ଦସ୍ତଖତ କରିବାକୁ ତାଙ୍କୁ ୩୦୦ କୋଟି ଅଫର ମିଳିଥିବା ମଲିକ ଦାବି କରିଛନ୍ତି। ଗତ ବର୍ଷ ଅକ୍ଟୋବରରେ ସିବିଆଇ ତାଙ୍କୁ ପଚରାଉଚରା କରିଥିଲା।
ସତ୍ୟପାଲ ମଲିକ କହିଛନ୍ତି ଯେ ମୋ ଦ୍ୱାରା ଦିଆଯାଇଥିବା ରିପୋର୍ଟ ସଂପର୍କରେ ସିବିଆଇ କିଛି ସ୍ପଷ୍ଟୀକରଣ ଚାହୁଁଛି। ଏଥିସହ ନ୍ୟୁଜ୍ ଏଜେନ୍ସି ପିଟିଆଇ ଜଣେ ଅଧିକାରୀଙ୍କ ଉଦ୍ଧେଶ୍ୟରେ କହିଛନ୍ତି ଯେ ବୀମା ସ୍କାମ ସହ ଜଡିତ ପ୍ରଶ୍ନର ଉତ୍ତର ଦେବାକୁ ସିବିଆଇ ତାଙ୍କୁ ନୋଟିସ ଜାରି କରିଛି। ନିକଟରେ ମଲିକ ଦାବି କରିଛନ୍ତି ଯେ ଆରଏସଏସ ଏବଂ ବିଜେପି ନେତା ରାମ ମାଧବ ତାଙ୍କୁ ଏହି ଯୋଜନା ପାସ କରିବା ପାଇଁ ଟଙ୍କା ଦେଇଛନ୍ତି। ଏହା ଉପରେ ମାଧବ କହିଥିଲେ ଯେ ଏହି ଜିନିଷ ଭିତ୍ତିହୀନ। ମଲିକଙ୍କ ବିରୋଧରେ ମାନହାନି ମକଦ୍ଦମା ପଞ୍ଜିକରଣ କରି ସେ କହିଛନ୍ତି ଯେ ପ୍ରାସଙ୍ଗିକ ରହିବାକୁ ଆପଣ ଏଭଳି ବିବୃତ୍ତି ଦେଉଛନ୍ତି।