(ମଣିପୁର) : ଦିନକୁ ଦିନ ବୃଦ୍ଧି ପାଇବାରେ ଲାଗିଛି ମଣିପୁର ହିଂସା । ଏହି ସମୟରେ ରାଜ୍ୟର ସ୍ଥିତି ଅନୁଧ୍ୟାନ କରିବାକୁ ମଣିପୁର ଗସ୍ତରେ ଅଛନ୍ତି କେନ୍ଦ୍ରମନ୍ତ୍ରୀ ଅମିତ ଶାହା । ରାଜ୍ୟରେ ବାସ୍ତବ ସ୍ଥିତି ଏବଂ ହିଂସା ପ୍ରଭାବିତ ଅଞ୍ଚଳରେ ପରିସ୍ଥିତି ଅନୁଧ୍ୟାନ କରିବା ପରେ ଶାହା ଆଜି ସାମ୍ବାଦିକ ସମ୍ମିଳନୀ କରିବେ ।
ସୂଚନାନୁଯାୟୀ , ମଣିପୁରର ଇମ୍ଫାଲରେ ଏକ ସାମ୍ବାଦିକ ସମ୍ମିଳନୀ ପୂର୍ବରୁ ଶାହା ତାଙ୍କ ଗସ୍ତର ତୃତୀୟ ଦିନ ବୁଧବାର ଦିନ ମୋରେହ ଏବଂ କାଙ୍ଗପୋକପି ପରିଦର୍ଶନ କରିଥିଲେ । ରାଜ୍ୟରେ ସ୍ଥିତି ସ୍ୱାଭାବିକ ଅବସ୍ଥାକୁ ଫେରାଇ ଆଣିବା ଉପରେ ଗୁରୁତ୍ୱ ଦେବାକୁ ଗୃହମନ୍ତ୍ରୀ ସ୍ପଷ୍ଟ ନିର୍ଦ୍ଦେଶ ଦେଇଛନ୍ତି । ଇମ୍ଫାଲର ବରିଷ୍ଠ ଅଧିକାରୀଙ୍କ ସହ ଏକ ବୈଠକରେ ଶାହା ବରିଷ୍ଠ ଅଧିକାରୀଙ୍କଠାରୁ ମଣିପୁରର ସୁରକ୍ଷା ସ୍ଥିତିକୁ ଅନୁଧ୍ୟାନ କରିଥିଲେ । ମଣିପୁରକୁ ପୁଣି ଥରେ ଶାନ୍ତି ଏବଂ ସୌହାର୍ଦ୍ଦ୍ୟପୂର୍ଣ୍ଣ ପଥରେ ଫେରାଇ ଆଣିବା ଏବଂ ଶୀଘ୍ର ସେମାନଙ୍କୁ ନିଜ ଘରକୁ ଫେରାଇ ଆଣିବା ଆମର ସଂକଳ୍ପ ବୋଲି କହିଛନ୍ତି ଶାହା ।
