(ବାଲେଶ୍ଵର) : ବାଲେଶ୍ୱର ଜିଲ୍ଲା ବାହାନାଗା ବଜାର ଷ୍ଟେସନରେ ହୋଇଥିବା ଭୟଙ୍କର ଟ୍ରେନ ଦୁର୍ଘଟଣା ମନରୁ ଲିଭିନି । ତେବେ ଜୋରସୋରରେ ଚାଲିଛି ଲାଇନ୍ ମରାମତି କାମ । ଏଥି ଲାଗି ପୂର୍ବ ତଟ ରେଳବାଇ ୩୬ଟି ଟ୍ରେନକୁ ବାତିଲ କରିଥିବା ସୂଚନା ମିଳିଛି । ଜୁନ୍ ୧୦ ଏବଂ ଜୁନ୍ ୧୧ରେ ଚାଲିବାକୁ ସ୍ଥିର ହୋଇଥିବା ଏହି ୩୬ଟି ଟ୍ରେନ କୁ ବାତିଲ କରାଯାଇଛି ।
ସୂଚନାନୁଯାୟୀ , ବାଲେଶ୍ବରଠାରୁ ୨୨ କିମି ଦୂର ବାହାନଗା ରେଳ ଷ୍ଟେସନ୍ଠାରେ ଘଟିଥିବା ଭୟାନକ ଦୁର୍ଘଟଣାରେ ପ୍ରାଣ ହରାଇଥିବା ମୃତକଙ୍କ ଚିହ୍ନଟ ପ୍ରକ୍ରିୟା ଆରମ୍ଭ ହୋଇଛି। ଘଟଣାସ୍ଥଳରେ ମୃତକଙ୍କ ପରିବାର ପହଂଚିଛନ୍ତି । ଯେଉଁମାନେ ମୃତକଙ୍କୁ ଚିହ୍ନଟ କରୁଛନ୍ତି, ସେମାନଙ୍କୁ ମୃତଦେହ ହସ୍ତାନ୍ତର କରାଯାଉଛି। ମୃତକଙ୍କ ସଂଖ୍ୟା ଏଯାବତ୍ ୨୮୮ ଟପି ଯାଇଥିବା ଜଣାପଡ଼ିଛି।
